Серыя Бальмера

Се́рыя Ба́льмера — спектральная серыя^[ru] атама вадароду, лініі якой размешчаны ў бачнай і блізкай да ультрафіялетавай вобласці спектра^[1]. Гэтая серыя ўтвараецца пры пераходах паміж станамі, адзін з якіх мае галоўны квантавы лік, роўны двум. Названа ў гонар швейцарскага матэматыка Іагана Бальмера^[ru], які апісаў у 1885 годзе гэтую серыю формулай.

Формула Бальмера

Для апісання даўжынь хваль λ чатырох бачных ліній спектра вадароду І. Бальмер прапанаваў формулу

${\displaystyle {\lambda }=b{\frac {n^{2}}{n^{2}-2^{2}}},}$

дзе n = 3, 4, 5, 6; b = 3645,6 Å.

У цяперашні час для серыі Бальмера выкарыстоўваюць прыватны выпадак формулы Рыдберга:

${\displaystyle {\frac {1}{\lambda }}=R\left({\frac {1}{2^{2}}}-{\frac {1}{n^{2}}}\right),}$

дзе λ — даўжыня хвалі,

R ≈ 109737,3157 см⁻¹ — пастаянная Рыдберга,

n — галоўны квантавы лік зыходнага ўзроўню — натуральны лік, большы ці роўны 3.

Зноскі

1. Бальмера серия // Физическая энциклопедия