Раман Фёдаравіч Брант

Раман Фёдаравіч Брант
Дата нараджэння	4 (16) снежня 1853[1][2]^[…] ці 16 снежня 1853(1853-12-16)[2][3]
Месца нараджэння	Санкт-Пецярбург, Расійская імперыя[1]
Дата смерці	2 сакавіка 1920(1920-03-02)[2][3] (66 гадоў)
Месца смерці	Масква, Маскоўская губерня, РСФСР^[d]
Грамадзянства	Расійская імперыя
Бацька	Фёдар Фёдаравіч Брант[1]
Род дзейнасці	славіст, эсперантыст
Навуковая сфера	славістыка
Месца працы	Імператарскі Санкт-Пецярбургскі ўніверсітэт^[d]
Альма-матар	Імператарскі Санкт-Пецярбургскі ўніверсітэт (1875)[1]
Член у	Пецярбургская акадэмія навук
Узнагароды

Раман Фёдаравіч Брант (ням.: Robert Ernst Martin Brandt, 16 снежня 1853, Санкт-Пецярбург — 2 сакавіка 1920) — рускі мовазнавец, славіст. Член-карэспандэнт Імператарскай Пецярбургскай акадэміі навук (1902). Прафесар Маскоўскага ўніверсітэта (1886). Малодшы сын акадэміка Ф. Ф. Бранта.

Біяграфія

Нарадзіўся ў Санкт-Пецярбургу 4 (16) снежня 1853 года; быў малодшым сынам выхадца з Прусіі, вядомага заолага, акадэміка Ф. Ф. Бранта.

У 1875 годзе скончыў Імператарскі Пецярбургскі ўніверсітэт. Быў пакінуты на два гады пры ўніверсітэце для падрыхтоўкі да прафесарскага звання; першы год займаўся пад кіраўніцтвам І. І. Сразнеўскага і У. І. Ламанскага  (руск.),^[4] на другі год адправіўся за мяжу (Лейпцыгскі і Пражскі ўніверсітэты). Пасля вяртання, 1 жніўня 1877 года быў вызначаны выканаўцам пасады экстраардынарнага прафесара Нежынскага гісторыка-філалагічнага інстытута па кафедры славянскай філалогіі.

Навуковая дзейнасць

Аўтар прац па гісторыі славянскіх моў і літаратур; з лінгвістычных даследаванняў найбольш значныя па славянскаму націску, словаўтварэнні, фанетыцы, граматыцы, палеаграфіі («Апісанне славянскай акцэнталогіі», 1880, і інш.).

Распрацоўваў праблемы стварэння і выкарыстання міжнародных штучных моў (у т.л. эсперанта).

Далучаўся да кірунку младаграматызму.

Зноскі

1. Брандт, Роман Федорович // Энциклопедический словарь / под ред. И. Е. Андреевский — СПб.: Брокгауз — Ефрон, 1891. — Т. IVa. — С. 594.
   <a href="https://wikidata.org/wiki/Track:Q602358"></a><a href="https://wikidata.org/wiki/Track:Q4065721"></a><a href="https://wikidata.org/wiki/Track:Q19908137"></a><a href="https://wikidata.org/wiki/Track:Q24354019"></a><a href="https://wikidata.org/wiki/Track:Q23892899"></a>
2. Брандт Роман Фёдорович // Литераторы Санкт-Петербурга. ХХ век / под ред. О. В. Богданова
   <a href="https://wikidata.org/wiki/Track:Q124670547"></a><a href="https://wikidata.org/wiki/Track:Q108611244"></a>
3. Педагоги и психологи мира — 2012.
   <a href="https://wikidata.org/wiki/Track:Q126722605"></a>
4. Императорский Московский университет 2010, с. 93.

Літаратура

• Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).
• Лаптева Л. П. БРАНДТ Роман Фёдорович // А. Ю. Андреев, Д. А. Цыганков Императорский Московский университет: 1755—1917 : энциклопедический словарь. — М.: Российская политическая энциклопедия (РОССПЭН), 2010. — С. 93—94. — ISBN 978-5-8243-1429-8.