Прамень (таварыства)

Прамень
Дата заснавання	5 кастрычніка 1990
Тып	грамадская арганізацыя
Цэнтр	Рыга

«Прамень» — грамадска-культурная таварыства беларусаў Латвіі.

5 кастрычніка 1990 года было створана Таварыства беларускай мовы імя Францішка Скарыны «Прамень», у якое ўвайшлі члены Беларускага культурнага цэнтра «Раніца» і многія члены Беларускага таварыства «Світанак». Зарэгістравана ў 1993 годзе. У складзе таварыства каля 200 сяброў з Рыгі і яе прыгарада^[1].

Займаецца захаваннем і папулярызацыяй беларускай культуры, арганізацыяй і правядзеннем культурных мерапрыемстваў у Латвіі, удзелам у мерапрыемствах Саюза беларусаў Латвіі^[1].

З 1990 года пры таварыстве дзейнічае ансамбль беларускай народнай песні «Надзея», якім з 2016 года кіуре Ларыса Люцько. Творчы калектыў актыўна ўдзельнічае ў розных нацыянальных і міжнародных фестывалях^[1].

Пры таварыстве таксама дзейнічае Беларускі вакальны ансамбль супляменнікаў «Вытокі» імя С. Клімава, якім кіруе Рышард Райніс, мастацкі кіраўнік Альберт Інжоян^[1].

Са снежня 1994 выдае газету «Прамень»^[2].

Кіраўнікі

• 1990—1992 — Валянціна Кліменка^[1];
• 1992—1996 — Аляксандр Карповіч^[1];
• 1996—2003 — Мікалай Буры^[1];
• 2003—2011 — Валянціна Піскунова^[1];
• З 2011 года — Алена Лазарава^[1].

Зноскі

1. «Прамень» (Рыга) - Пасольства Рэспублікі Беларусь ў Латвійскай Рэспубліцы (нявызн.). latvia.mfa.gov.by. Праверана 10 сакавіка 2024.
2. Ганна Сурмач. «Прамень» // Энцыклапедыя гісторыі Беларусі. У 6 т. Т. 6. Кн. 2: Усвея — Яшын; Дадатак / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2003. — 616 с. — 10 000 экз. — ISBN 985-11-0276-8.