Партызанская група «Іскра» (спецгрупа НКДБ) — савецкае партызанскае падраздзяленне, якое дзейнічала на акупіраванай тэрыторыі Антопальскага, Дзівінскага, Кобрынскага, Маларыцкага, Драгічынскага раёнаў.
Гісторыя
23 кастрычніка 1943 года група (4 чалавекі) была перапраўлена ў нямецкі тыл. Камандзір М. П. Хахлоў. Партызаны пусцілі пад адхон 34 эшалоны, знішчылі і папсавалі больш за 450 вагонаў і платформ, 66 аўтамашын, 4 гарматы, цэх лесапільнага завода, дзе выраблялі фюзеляжныя рамы для самалётаў, узарвалі больш за 500 метраў чыгункі. Перадавалі камандаванню Чырвонай Арміі звесткі пра абарончыя збудаванні праціўніка ўздоўж Буга, план размяшчэння ваенных аб’ектаў у Брэсце і яго наваколлі. Група 8 красавіка (21 чалавек) і 27 ліпеня 1944 года (15 чалавек) злучылася з Чырвонай Арміяй.
Літаратура
- Партызанская група «Іскра» // Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — С. 453. — 680 с. — 20 000 экз. — ISBN 5-85700-012-2.
