Медаль Францыска Скарыны (Аб’яднаны пераходны кабінет Беларусі)

Медаль Францыска Скарыны
Краіна	Беларусь
Тып	медаль
Каму ўручаецца	беларускім і замежным грамадзянам, якія працуюць у галіне навукі, адукацыі і культуры
Кім уручаецца	Кіраўніца Аб’яднанага пераходнага кабінета Беларусі
Падставы ўзнагароджання	за выдатныя заслугі ў прафесійнай дзейнасці, значны асабісты ўклад у развіццё і павелічэнне духоўнага і інтэлектуальнага патэнцыялу беларускага народа
Дата заснавання	2024
Статус	уручаецца

Медаль Францыска Скарыны — узнагарода Аб’яднанага пераходнага кабінета Беларусі.

Медаль Францыска Скарыны ўручаецца беларускім і замежным грамадзянам, якія працуюць у галіне навукі, адукацыі і культуры, за выдатныя заслугі ў прафесійнай дзейнасці, значны асабісты ўклад у развіццё і павелічэнне духоўнага і інтэлектуальнага патэнцыялу беларускага народа^[1].

Разглядаецца як новы ўзор аднайменнай дзяржаўнай узнагароды. Паводле слоў стваральнікаў медаля, арыгінальныя медаль і ордэн Францыска Скарыны ў час прэзідэнцтва Аляксандра Лукашэнкі былі істотна дыскрэдытаваныя. У парушэнне статутных дакументаў імі былі ўзнагароджаныя людзі, якія адкрыта варожа ставяцца да Беларусі і беларускай культуры, а таксама «некаторыя вульгарныя расійскія эстрадныя спевакі, што выглядае як абраза і здзек з Беларусі». Тыя асобы, якія былі ўзнагароджаны да лістапада 1996 года, калі Лукашэнка праз рэферэндум значна пашырыў свае прэзідэнцкія паўнамоцтвы, мусяць захаваць сілу сваіх узнагарод, а астатнія пасля верыфікацыі павінны будуць або страціць гэтыя ўзнагароды, або атрымаць узнагароды новага ўзору^[2].

Спіс узнагароджаных

24 снежня 2024^[3]:

• Наталля Гардзіенка, аўтарка шматлікіх прац па гісторыі беларускай дыяспары.
• Лявон Юрэвіч, грамадскі дзеяч, даследчык беларускай эміграцыі.
• Наталля Каляда, сузаснавальніца і выканаўчая дырэктарка «Беларускага свабоднага тэатра»
• Мікалай Халезін, беларускі журналіст і сцэнарыст, мастацкі кіраўнік «Беларускага свабоднага тэатра»
• адна асоба ўзнагароджана непублічна з меркаванняў бяспекі.

Крыніцы

1. Аб’яднаны Пераходны Кабінет Беларусі (нявызн.). Telegram. Праверана 30 снежня 2024.
2. Ф. Раўбіч. Як выглядаюць узнагароды для новай Беларусі ФОТА  (бел.). Наша Ніва (24 сакавіка 2024). Праверана 2 студзеня 2025.
3. Аб’яднаны Пераходны Кабінет Беларусі (нявызн.). Telegram. Праверана 30 снежня 2024.