Кацярына Васільеўна Замешына-Уладамірская

Кацярына Васільеўна Замешына-Уладамірская
Дата нараджэння	1888[1]
Месца нараджэння	Бабруйск, Бабруйскі павет, Мінская губерня, Расійская імперыя
Дата смерці	14 ліпеня 1970(1970-07-14)[1]
Месца пахавання	Усходнія могілкі[2]
Муж	Уладзімір Іосіфавіч Уладамірскі
Дзеці	Барыс Уладзіміравіч Уладамірскі^[d]
Прафесія	актрыса, танцоўшчыца, спявачка, тэатральны рэжысёр
Тэатр	Другі паказальны тэатр Нацыянальны акадэмічны тэатр імя Янкі Купалы

Кацярына Васільеўна Замешына-Уладамірская (народжаная Азбукіна, у першым шлюбе Замешына; 1888, Бабруйск — 14 ліпеня 1970) — беларуская тэатральная актрыса і танцоўшчыца.

Біяграфія

Нарадзілася ў Бабруйску. Паходзіла з сям’і спадчыннага двараніна, калежскага асэсара Васіля Мікалаевіча Азбукіна (1857-?), абавязковага члена па сялянскіх справах. Яе родным братам быў Мікалай Васільевіч Азбукін.

Да рэвалюцыі выкладала ў адной з бабруйскіх жаночых гімназій, сярод яе іншых вучаніц была Наталля Іванаўна Чакалінская, будучая вучоная-батанік^[3].

У пачатку 1930-х гадоў бацька і брат К. Замешынай-Уладамірскай былі арыштаваныя і дамоў ужо не вярнуліся.

У 1936 годзе кіравала самадзейным лялечным тэатрам пры Палацы піянераў і школьнікаў у Мінску. Яна была дырэктарам і мастаком-афарміцелем лялечных паказаў^[4].

Сям’я

• першы муж Замешын, не вярнуўся з Грамадзянскай вайны
• другі муж Уладзімір Малейка (Уладамірскі) — беларускі акцёр
  • сын Барыс Уладзіміравіч Уладамірскі  (руск.) — акцёр, ажаніўся з актрысай Галінай Іванаўнай Уладамірскай^[d], дачкой вучонай-дэндролага Наталлі Іванаўны Чакалінскай
    • унук Аляксандр Барысавіч Уладамірскі^[d] — акцёр, ажаніўся з актрысай Аленай Мікалаеўнай Пастрэвіч^[d].

Прафесійная дзейнасць

У 1920-21 была актрысай Другога Чырвонаармейскага паказальнага тэатра пры палітаддзеле 16-й арміі Заходняга фронту.

Пазней працавала ў Купалаўскім тэатры.

Фільмаграфія

• 1960 — 1961 — «Першыя выпрабаванні» — бабка Параска^[5]

Спадчына

Творчыя дакументы К. Замешынай-Уладамірскай: фатаграфіі ў ролях і сцэнах са спектакляў, згуляных у Бабруйскім гарнізонным тэатры, у БДТ і БДТ-1, яе фатаграфіі часткова захоўваюцца ў БДАМЛіМ у ф. 229^[6][7].

Зноскі

1. https://wiki.bobr.by/%D0%92%D0%BB%D0%B0%D0%B4%D0%BE%D0%BC%D0%B8%D1%80%D1%81%D0%BA%D0%B8%D0%B9,_%D0%91%D0%BE%D1%80%D0%B8%D1%81_%D0%92%D0%BB%D0%B0%D0%B4%D0%B8%D0%BC%D0%B8%D1%80%D0%BE%D0%B2%D0%B8%D1%87
2. https://pomnim.online/burial/9838
3. О бабушке (руск.)
4. Ярмалінская В. М. Сцэнаграфія як феномен тэатральнага мастацтва Беларусі XX — пачатку XXI ст.(недаступная спасылка) : аўтарэферат на саісканне вучонай ступені доктара мастацтвазнаўства : спецыяльнасць 17.00.01 Тэатральнае мастацтва / Ярмалінская Вераніка Мікалаеўна ; Нацыянальная акадэмія навук Беларусі, Дзяржаўная навуковая ўстанова Цэнтр даследаванняў беларускай культуры, мовы і літаратуры
5. ЕКАТЕРИНА ЗАМЕШИНА (руск.)
6. Ф. 229 (нявызн.)(недаступная спасылка). Архівавана з першакрыніцы 1 сакавіка 2021. Праверана 4 лютага 2020.
7. Информация о фонде 229