Каменны востраў — востраў у дэльце Нявы ў цэнтры Санкт-Пецярбурга, у гістарычным раёне Астравы. З 1920 года па 1989 год насіў афіцыйнае найменне «востраў Рабочых». Плошча вострава 1,06 км².
Фактычна Каменны востраў — гэта некалькі астравоў на поўначы Санкт-Пецярбурга, падзеленых каналамі. Знаходзяцца паміж Вялікай і Малой Неўкай і рэчкай Крастоўкай. На Каменным востраве шмат гістарычных помнікаў, сядзібаў і дач вядомых людзей, каваных агароджаў і зялёных паркаў. Пасярод адной з алей да 1990-х гадоў стаяў дуб, пасаджаны Пятром Першым.
