Дом па вуліцы Леніна, 4 (Мінск)

Славутасць
Дом па вуліцы Леніна, 4
53°54′06″ пн. ш. 27°33′25″ у. д.^HGЯO
Краіна	Беларусь
Горад	Мінск
Архітэктурны стыль	савецкі класіцызм^[d]
Архітэктар	Георгій Уладзіміравіч Заборскі
Будаўніцтва	1947—1954 гады
Статус	Гісторыка-культурная каштоўнасць Беларусі, шыфр 712Г000097шыфр 712Г000097
Медыяфайлы на Вікісховішчы

Дом па вуліцы Леніна, 4 — жылы дом у Мінску, уваходзіць у ансамбль забудовы вуліцы Леніна. Пабудаваны ў 1947—1954 гг. з цэглы па праекце архітэктара Г. Заборскага.

Архітэктура

Аркатурная каланада першага паверха

Вырашаны ідэнтычна дамам 3, 5, 6 і 8. Пяціпавярховы будынак завершаны развітымі карнізамі на фігурных кранштэйнах, накрыты вальмавымі дахамі, якія падкрэслены дэкаратыўным парапетам-балюстрадай. Першы паверх, дзе размешчаны прадпрыемствы гандлю і бытавога абслугоўвання, вырашаны ў выглядзе аркатурнай каланады з ружова-шэрага граніту. У пралётах паміж калонамі — вялікія арачныя аконныя праёмы. Сцены верхніх жылых паверхаў абліцаваны тэракотавай пліткай. 2-і і 3-і паверхі падзелены развітай гарызантальнай цягай з фрызам з буйных тэракотавых плітак, аздобленых раслінным арнаментам. 3-і і 4-ы паверхі аформлены навяснымі балконамі і ордарным дэкорам.

Злучаны з дамамі № 2 ды № 6 і № 8 дадатковым аб’ёмам з арачным праездамі. Верхнія паверхі дадатковых аб’ёмаў заглыблены і завершаны трохвугольнымі шчытамі з дэкаратыўнымі вазамі. На іх фасадных плоскасцях багаты ляпны дэкор.

Літаратура

• Т. В. Габрусь. 133. Забудова вуліцы Леніна // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.

Спасылкі

• На Вікісховішчы ёсць медыяфайлы па тэме Дом па вуліцы Леніна, 4 (Мінск)