PROFILBARU.COM

Дзённік Ганны Франк
Дзённік Ганны Франк
	Het achterhuis
	; рукапісы дзённіка
Жанр	аўтабіяграфія
Аўтар	Ганна Франк
Мова арыгінала	нідэрландская
Дата напісання	12 чэрвеня 1942
Дата першай публікацыі	1947 (Нідэрланды)
Месца публікацыі	Каралеўства Нідэрландаў
Персанажы	Ганна Франк, Margot Frank[d], Otto Frank[d], Edith Frank-Holländer[d], Auguste van Pels[d], Hermann Van Pels[d], Fritz Pfeffer[d], Peter van Pels[d], Bep Voskuijl[d], Jan Gies[d], Miep Gies[d], Victor Kugler[d], Johannes Kleiman[d] і Johannes Hendrik Voskuijl[d]
	Медыяфайлы на Вікісховішчы

«Дзённік Ганны Франк» (нідэрл.: Het achterhuis, даслоўна «У задняй частцы дома», другі пераклад — «Прытулак») — запісы на нідэрландскай мове, якія вяла яўрэйская дзяўчынка Ганна Франк з 12 чэрвеня 1942 года па 1 жніўня 1944 года ў перыяд нацысцкай акупацыі Нідэрландаў. З пачатку 1944 года Ганна пачала літаратурна апрацоўваць свае запісы, у прыватнасці, замяняючы імёны дзеючых асоб, спадзеючыся на публікацыю дзённіка пасля вызвалення Нідэрландаў, аднак гэтая праца засталася няскончанай. Апошні запіс у дзённіку датаваны 1 жніўня 1944 года, праз тры дні гестапа арыштавала ўсіх, хто хаваўся ў прытулку. Сама Ганна памерла ў канцэнтрацыйным лагеры Берген-Бельзен. Яе запісы захаваліся і былі перададзены ейнаму ацалеламу ў Асвенціме бацьку Ота Франку, які ў 1947 годзе склаў скарочаны варыянт для публікацыі. Ота Франк завяшчаў арыгінал дзённіка Нідэрландскаму дзяржаўнаму інстытуту ваеннай дакументацыі.

Упершыню твор быў выдадзены ў Нідэрландах у 1947 годзе, у ЗША і Вялікабрытаніі ў 1952 годзе пад назвай «Дзённік дзяўчынкі» (англ.: The Diary of a Young Girl). На аснове дзённіка было створана некалькі мастацкіх твораў.