PROFILBARU.COM

Данілу
Данілу
Агульная інфармацыя
Поўнае імя	Данілу Луіс да Сілва
Нарадзіўся	15 ліпеня 1991[…] (33 гады); Бікас[d], штат Мінас-Жэрайс, Бразілія;
Грамадзянства	Бразілія
Рост	184 см
Вага	77 кг
Пазіцыя	правы абаронца
Інфармацыя пра клуб
Клуб	Ювентус
Нумар	6
Маладзёжныя клубы
2007—2009	Амерыка Мінейру
Клубная кар’ера
2019—	Ювентус
Нацыянальная зборная
Узнагароды і медалі
	Алімпійскія гульні
	Кубкі Амерыкі
Срэбра	Бразілія 2021
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 18 жніўня 2019. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 18 жніўня 2019 ;
	Медыяфайлы на Вікісховішчы

Дані́лу Лу́іс да Сі́лва^[3] (парт.: Danilo Luiz da Silva; нар. 15 ліпеня 1991, Бікас, Бразілія), больш вядомы як проста Данілу або Даніла — бразілійскі футбаліст, правы абаронца італьянскага клуба «Ювентус» і нацыянальнай зборнай Бразіліі.

Клубная кар’ера

Займацца футболам пачаў у клубе «Амерыка Мінейру» з горада Белу-Арызонты. Да гэтага клуба ён прыяднаўся ва ўзросце 12 гадоў. У маі 2010 года Данілу перайшоў у склад клуба «Сантус», разам з якім у наступным годзе стаў пераможцам Лігі Паўліста і Кубка Лібертадорэс. Напачатку студзеня 2012 года, пасля клубнага чэмпіянату свету 2011 года Данілу падпісаў кантракт з партугальскім грандам «Порту». Паводле дагавора кантракт дзейнічае да чэрвеня 2016 года, а за іграка партугальцы заплацілі 13 млн еўра. Спачатку Данілу быў заменшчыкам абаронцы Крысціяна Сепунару, аднак у хуткім часе выцесніў таго са складу.

У 1/16 фінала Лігі чэмпіёнаў 2014/2015 Данілу забіў гол з пенальці ў першым матчы супраць «Базеля», такім чынам забяспечыўшы клубу нічыю. У матчы ў адказ 10 сакавіка 2015 года ўжо ў першым тайме Данілу атрымаў пашкоджанне, сутыкнуўшыся са сваім партнёрам Фабіяну, і быў адвезены ў шпіталь.

31 сакавіка 2015 года мадрыдскі «Рэал» абвясціў аб набыцці Данілу, які далучыўся да новага клуба 30 чэрвеня^[4]. Сума трансферу склала 31,5 млн еўра. 9 ліпеня 2015 года на стадыёне «Сант’яга Бернабеу» прайшла прэзентацыя новага іграка «Рэала», які атрымаў 23-і нумар^[5]. У складзе «Рэала» не меў трывалага месца ў аснове, звычайна выкарыстоўваўся для ратацыі, падмяняючы Дані Карвахаля на пазіцыі правага абаронцы.

У ліпені 2017 года было абвешчана аб пераходзе Данілу ў «Манчэстэр Сіці» за 30 млн еўра^[6].

У жніўні 2019 года за 37 млн еўра перайшоў з «Манчэстэр Сіці» ў «Ювентус», пры гэтым у адваротным кірунку направіўся Жуан Канселу^[7].

Міжнародная кар’ера

Яшчэ выступаючы за «Сантус», Данілу дэбютаваў у складзе зборнай Бразіліі 14 верасня 2011 года ва ўзросце ўсяго толькі 20 гадоў у матчы супраць зборнай Аргенціны (0:0).