Галіна Мікалаеўна Сакалова

Галіна Мікалаеўна Сакалова
руск.: Галина Николаевна Соколова
Дата нараджэння	19 ліпеня 1935(1935-07-19) ці 1935[1]
Месца нараджэння	Камсамольск-на-Амуры, гарадская акруга горад Камсамольск-на-Амуры^[d], Хабараўскі край, СССР
Дата смерці	25 верасня 2018(2018-09-25)
Месца смерці	Мінск, Беларусь
Месца пахавання	Паўночныя могілкі
Грамадзянства	СССР  Беларусь
Род дзейнасці	сацыёлаг, рэдактар
Навуковая сфера	філасофія, сацыялогія, sociology of work^[d][2] і economic sociology^[d][2]
Месца працы	Інстытут сацыялогіі НАН Беларусі БДУ Інстытут філасофіі НАН Беларусі
Навуковая ступень	доктар філасофскіх навук (1986)
Навуковае званне	прафесар
Альма-матар	Разанскі дзяржаўны радыётэхнічны інстытут^[d]
Узнагароды

Галіна Мікалаеўна Сакало́ва^[3] (руск.: Галина Николаевна Соколова; 19 ліпеня 1935 — 25 верасня 2018^[4]) — сацыёлаг і філосаф, доктар філасофскіх навук (1986), прафесар (1990). Заслужаны работнік адукацыі Рэспублікі Беларусь (1999).

Біяграфія

Нарадзілася ў Камсамольску-на-Амуры. У 1959 годзе скончыла Разанскі дзяржаўны радыётэхнічны ўніверсітэт. Была размеркавана ў Мінск і да 1969 года працавала на інжынерных пасадах на шэрагу прамысловых прадпрыемстваў^[5]. У 1969—1972 гадах вучылася ў аспірантуры пры Інстытуце сацыялогіі Акадэміі навук СССР. З 1972 па 1978 год працавала ў Беларускім дзяржаўным універсітэце старшым навуковым супрацоўнікам. У 1975 годзе абараніла кандыдацкую дысертацыю^[4]. З 1978 года працавала ў Інстытуце філасофіі і права Акадэміі навук БССР, дзе з 1984 года займала пасаду загадчыка аддзела сацыялогіі. З 1989 года Г. М. Сакалова ў Інстытуце сацыялогіі Нацыянальнай акадэміі навук Беларусі. Займала пасады кіраўніка аддзела сацыялогіі працы і эканамічнай сацыялогіі, аддзела сацыяльна-эканамічных і палітычных даследаванняў, аддзела эканамічнай сацыялогіі і сацыяльнай дэмаграфіі^[4]. Адначасова працавала ў Беларускім дзяржаўным універсітэце — прафесар кафедры сацыялогіі^[4].

У 1994—1998 гадах з’яўлялася старшынёй экспертнага савета Вышэйшай атэстацыйнай камісіі Рэспублікі Беларусь па сацыялагічных і палітычных навуках^[4].

Навуковая дзейнасць

Г. М. Сакалова лічыцца заснавальнікам беларускай навуковай школы сацыялогіі працы і эканамічнай сацыялогіі. Займалася распрацоўкай метадалагічных асноў тэорыі сацыялогіі працы і тэорыі эканамічнай сацыялогіі і абгрунтавала іх узаемасувязь. Пад яе кіраўніцтвам абаронены 8 доктарскіх і 32 кандыдацкіх дысертацый^[4]. Аўтар больш за 700 навуковых прац^[4].

Сярод апублікаванага:

• Труд и профессиональная культура. — Мн., 1980;
• Культура труда в социальном развитии технической интеллигенции. — Мн., 1989;
• Экономическая социология. — Мн., 1995;
• Социальные механизмы регулирования рынка рабочей силы. — Мн., 1998 (у сааўтарстве);
• Экономическая социология: Учебник для вузов. — Мн., 1998;
• Экономическая социология: Практикум. — Мн., 2000 (у сааўтарстве);
• Социология труда. — Мн., 2000;
• Рынок труда и механизмы его регулирования. — Мн., 2001 (у сааўтарстве).

Зноскі

1. Czech National Authority Database Праверана 8 чэрвеня 2022.
   <a href="https://wikidata.org/wiki/Track:Q13550863"></a>
2. Czech National Authority Database Праверана 7 лістапада 2022.
   <a href="https://wikidata.org/wiki/Track:Q13550863"></a>
3. БелЭн 2002.
4. Институт социологии НАН Беларуси прощается с Галиной Николаевной Соколовой (руск.)
5. Соколова Галина Николаевна // История БГУ Архівавана 16 мая 2021. (руск.)

Літаратура

• Сакалова Галіна Мікалаеўна // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 85. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Беларусь у асобах і падзеях: Сакалова Галіна Мікалаеўна
• Соколова Галина Николаевна // История БГУ Архівавана 16 мая 2021. (руск.)
• Соколова Галина Николаевна // ЭКОНОМИКА.by (руск.)
• Соколова Г. Н. // Социологические исследования. 2015. № 8. С. 161. (руск.)