Галіна Васільеўна Забур’янава

Галіна Васільеўна Забур’янава
Нараджэнне	26 чэрвеня 1955(1955-06-26) (69 гадоў)
Адукацыя	Акадэмія кіравання пры Прэзідэнце Рэспублікі Беларусь (1998)
Месца працы	Еўрапейскі гуманітарны ўніверсітэт Міністэрства спорту і турызму Рэспублікi Беларусь Кіраўніцтва справамі Прэзідэнта Рэспублікі Беларусь Мінск-Арэна
Узнагароды

Галіна Васільеўна Забур’янава (26 чэрвеня 1955) — беларуская дзяржаўная дзяячка, намеснік Міністра спорту і турызму Рэспублікі Беларусь, майстар спорту СССР (плаванне), чэмпіёнка першынства СССР (1971), шматразовая чэмпіёнка Беларусі і Расіі.

Біяграфія

Нарадзілася 26 чэрвеня 1955 года.

Калі вучылася ў першым класе, запісалася ў групу плавання. Плаваннем займалася 13 гадоў, спецыялізацыя: спіна і комплекс, 400 метраў. Была пераможцай юнацкага ўсесаюзнага першынства, прызёркай міжнародных спаборніцтваў і Кубка Саюза, чэмпіёнкай Расіі і Беларусі, членам зборнай каманды СССР па плаванні^[1].

У 1973 годзе пераехала Магілёў пасля таго, як туды пераехаў яе трэнер Юрый Аляксандравіч Курбатаў. Выконвала ролю вопытнага старэйшага таварыша для маладых спартсменаў, якія пачыналі свой шлях у спорт вышэйшых дасягненняў. У прыватнасці, працавала ў спарынгу з Іванам Мікалуцкім, будучым удзельнікам Алімпійскіх гульняў 1976 года ў Манрэалі. Скончыўшы актыўнае плаванне, невялікі прамежак часу працавала трэнерам дзіцяча-юнацкай спартыўнай школы^[1].

Працавала завучам ДЮСШ па плаванні аблсавета ДФСА прафсаюзаў г. Магілёва, потым яе дырэктарам. Пасля гэтага працавала начальнікам арганізацыйнага аддзела, пазней — намеснікам старшыні Камітэта па фізічнай культуры і спорце, намеснікам начальніка Упраўлення па фізічнай культуры, спорце і турызме Магілёўскага аблвыканкама^[2].

У 1998 годзе скончыла Акадэмію кіравання пры Прэзідэнце Рэспублікі Беларусь^[2].

Пасля пераезду ў Мінск у жніўні 2001 года ўзначаліла кафедру фізвыхавання Еўрапейскага гуманітарнага ўніверсітэта, потым працавала дэканам факультэта павышэння кваліфікацыі кіруючых работнікаў і спецыялістаў^[1].

7 мая 2003 года прызначана намеснікам Міністра спорту і турызму Рэспублікі Беларусь^[3][1][4]. У міністэрстве адказвала за падрыхтоўку спартыўнага рэзерву нацыянальных каманд, арганізацыю і забеспячэнне спорту вышэйшых дасягненняў, арганізацыю і забеспячэнне дзейнасці дырэктарата нацыянальных каманд, кіравала рэспубліканскай камісіяй па атэстацыі і прысваенні кваліфікацыйных катэгорый трэнерам-выкладчыкам па спорце^[2].

Пазней працавала загадчыкам сектара развіцця турызму Упраўлення ахоўных і прыродных комплексаў і прыродакарыстання Кіраўніцтва справамі Прэзідэнта Рэспублікі Беларусь^[5][6].

Цяпер працуе намеснікам генеральнага дырэктара шматпрофільнага культурна-спартыўнага комплекса «Мінск-Арэна» — дырэктарам спартыўна-культурнага збудавання «Арэна»^[7][8].

Хобі

Пасля заканчэння спартыўнай кар’еры працягвае займацца плаваннем. У 1999 годзе на Спартакіядзе краін Садружнасці, якая праходзіла ў Мінску, заняла трэцяе месца ў плаванні на 50 метраў на спіне. У 2000 годзе стала чэмпіёнкай Беларусі сярод ветэранаў у сваёй узроставай групе^[1].

Узнагароды і званні

• Майстар спорту СССР.

Зноскі

1. Лицо власти. Галина Забурьянова: новая дистанция (нявызн.)(недаступная спасылка). Архівавана з першакрыніцы 31 сакавіка 2022. Праверана 31 сакавіка 2022.
2. Кто и зачем стоит за раздачей портфелей в спортивной отрасли
3. Постановление Совета Министров Республики Беларусь от 7 мая 2003 года № 597 «О назначении В. С. Хатылева первым заместителем Министра спорта и туризма Республики Беларусь и Г. В. Забурьяновой заместителем Министра спорта и туризма Республики Беларусь»
4. Итоги. Галина Забурьянова: если будут претензии к Сивакову, значит, плохо сработала я (нявызн.)(недаступная спасылка). Архівавана з першакрыніцы 31 сакавіка 2022. Праверана 31 сакавіка 2022.
5. Национальные парки и здравницы — наш бренд
6. Страна готовит пущу к юбилею
7. Кантакты. ШКСК «Мінск-арэна»(недаступная спасылка)
8. Слово за слово. Соловьев и басни (нявызн.)(недаступная спасылка). Архівавана з першакрыніцы 31 сакавіка 2022. Праверана 31 сакавіка 2022.

Літаратура

• Спортивная энциклопедия Беларуси / редкол. Г. П. Пашков (гл. ред.) [и др.]. — Мн.: «Беларуская Энцыклапедыя» имени Петруся Бровки, 2005. — 504 с. — 3 000 экз. — ISBN 985-11-0309-8. (руск.) — С. 197.