Валю́та (ад італьянскагаvaluta — кошт, вартасць) — 1) грашовая адзінка краіны і яе тып (залатая, сярэбраная, папяровая, крэдытная). 2) Грашовыя знакі замежных краін (крэдытныя білеты, манеты і інш.). 3) Крэдытныя сродкі абарачэння і плацяжу, выражаныя ў замежных грашовых адзінках (векселі, чэкі, сертыфікаты і інш.). 4) Міжнародныя і еўрапейскія разліковыя адзінкі СДР, ЭКЮ — калектыўная валюта. Паводле сваёй сутнасці валюта — гэта грошы ў міжнародных разліках.
Беларуская энцыклапедыя: У 18 т. Т.3: Беларусы — Варанец / Рэдкал.: Г. П. Пашкоў і інш. — Мн.: БелЭн, 1996. — Т. 3. — 511 с. — 10 000 экз. — ISBN 985-11-0068-4 (т. 3).
