Вадалюб малы

Вадалюб малы
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Жукі Падатрад:  Разнаедныя Інфраатрад:  Staphyliniformia Надсямейства:  Hydrophiloidea Сямейства:  Вадалюбы Трыба:  Hydrophilini Род:  Hydrochara Від:  Вадалюб малы
Міжнародная навуковая назва
Hydrochara caraboides L., 1758
Сінонімы
Hydrophilus caraboides
Сістэматыка на Віківідах Выявы на Вікісховішчы NCBI   1208885 EOL   2866223 FW   292667

Вадалюб малы^[1] (Hydrochara caraboides) — водны жук сямейства вадалюбы (Hydrophilidae)^[2].

Апісанне

Невялікі жук даўжынёй 13—18,5 мм^[2]. Асноўны колер афарбоўкі аліўкава-чорны або некалькі цямней. Цела выпуклае, яйкападобнае. Заднія ногі слаба пакрытыя валасінкамі. Сківічныя шчупікі аднакаляровыя, цёмнаафарбаваныя.

Распаўсюджанне

Амаль паўсюдна ў Еўропе, Усходняя Еўропа (за выключэннем крайняй поўначы), Крым, Паўднёвы Урал, Заходняя Сібір^[2].

Біялогія

Жукі жывуць на невялікай глыбіні, аддаючы перавагу стаячым вадаёмам з зарослым і глейкім дном. Самкі адкладаюць яйцы ў кокан, пры пабудове якога ім дапамагаюць самцы. Такіх коканаў жукі робяць 2—3 штукі. Стадыя яйца каля 2 тыдняў. Лічынкі, якія выйшлі з яйца, маюць па баках кожнага сегмента свайго цела па пёрыстаму прыдатку, а на канцы брушка — два рагавых кручка.

Лічынкі з’яўляюцца драпежнікамі і сілкуюцца рознымі воднымі арганізмамі. Акукліваюцца ў глебе на беразе вадаёмаў.

Зноскі

1. ЭПБ 1983.
2. Горностаев Г. Н. Насекомые СССР. (Справочники-определители географа и путешественника). — М.: Мысль, 1970. — 372 с. (руск.)

Літаратура

• Лапацін І. К. Вадалюбы // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — С. 393. — 575 с., іл. — 10 000 экз.
• Зайцев Ф. А. Плавунцовые и вертячки // Фауна СССР. Насекомые жесткокрылые. — М.; Л., 1953. — Т. 4. — C. 55. (руск.)
• Somerset Levels. A study of the distribution and ecology of the lesser silver water beetle Hydrochara caraboides // English Nature Research Reports. — № 591. — ISBN 0967-876X.