Бітва за Эль-Кут (2003)

Бітва за Эль-Кут (2003)
Асноўны канфлікт: Уварванне ў Ірак (2003)
Дата	3—4 красавіка 2003
Месца	Эль-Кут
Вынік	перамога ЗША
Праціўнікі
Ірак  ЗША
Камандуючыя
Салех Хамадзі Салманамі Мухамад Ібрагім Сулайман Джо Даудзі
Сілы бакоў
2500—3000 байцоў невядомая колькасць байцоў
Страты
150—200 забітых, 2000—2500 палонных, нявызначаная колькасць тэхнікі 1 забіты, 12 параненых, 1 армейскі грузавік

Бітва за Эль-Кут — узброенае супрацьстаянне падчас амерыканскага ўварвання ў Ірак за горад Эль-Кут паміж амерыканскімі і іракскімі войскамі.

Перад вайной тут размяшчаліся аэрадром і, як заяўлялася амерыканскім бокам, завод па вытворчасці хімічнай зброі^[1][2], што рабіла яго важным аб’ектам падчас кампаніі. Акрамя таго, Кут ляжаў на шляху планаванага кааліцыяй прасоўвання да Багдаду.

3 красавіка 1-я дывізія марской пяхоты ЗША дасягнула прадмесцяў горада і транслявала ўльтыматум іракскім салдатам з патрабаваннем здацца да 19:00. Адказу на ўльтыматум не было, і па яго заканчэнні амерыканцы пачалі атаку на Эль-Кут.

Амерыканскія вайсковыя падраздзяленні ўвайшлі ў Кут, сустракаючы невялікі супраціў, пакуль не апынуліся ў 1000 ярдаў ад іракскіх пазіцый. У гэты момант іракскія салдаты і нерэгулярныя часці адкрылі агонь са стралковай зброі і гранатамётаў. Баючыся маштабных гарадскіх баёў, амерыканцы засталіся на ўскраіне горада, адказваючы агнём і выклікаўшы авіяпадтрымку. Шматлікія авіяўдары, у тым ліку сіламі бамбардзіроўшчыкаў B-52, абрынуліся на іракскія пазіцыі. Падчас бамбардзіроўкі былі знішчаны іракскія танкі Т-62, БМП і іншыя транспартныя сродкі.

На зямлі амерыканскія салдаты былі на час спынены абстрэлам з бункера, дзе сканцэнтравалася іракская пяхота. Амерыканцы адказалі танкавымі залпамі і агнём цяжкіх кулямётаў, і пасля чатырох гадзін бою абаронцы бункера былі забіты, паранены або захоплены ў палон. Адзін амерыканскі салдат падчас гэтага бою быў смяротна паранены кулямётнай чаргой.

У апошняй спробе адбіць атаку іракскія байцы паспрабавалі спыніць амерыканскія танкі агнём стралковай зброі і кулямётаў, але былі рассеяны танкавай атакай, і 1-я дывізія марской пяхоты ўмацавалася ў горадзе. Пасля захопу Эль-Кута і мастоў, Кут перайшоў пад кантроль ЗША. Некалькі апалчэнцаў-фідаінаў яшчэ адбіваліся ў ізаляваных бункерах, але яны ўжо не перашкаджалі амерыканскім войскам прасоўвацца на Багдад.

Амерыканскія страты падчас бою, паводле афіцыйных даных, склалі ўсяго 1 загінулага, каля дзясятка параненых і знішчаны ваенны грузавік. Іракскія страты няясныя, але былі апісаны як цяжкія і ўключылі, па меншай меры, 150—250 забітых і каля тысячы параненых^[3].

Зноскі

1. U.S. Forces Prepare for Battle Against Iraq’s Medina Division — WSJ
2. https://www.wsj.com/articles/SB1048499781152966360
3. With the 1st Marine Division in Iraq, 2003 PCN 10600000000_19.pdf