Горад Кангоньяс, заснаваны ў каланіяльны перыяд, у 18 ст. быў адным з цэнтраў горназдабываючай прамысловасці.
Царкоўны комплекс Бон-Жэзус-ду-Кангоньяс — прыклад таго, як стыль барока дасягнуў сваёй найвышэйшай кропкі развіцця ў мастацтве дэкора, у экспрэсіі і вычварнасці форм. Акрамя ўнутраных інтэр’ераў, якія ўражваюць сваёй раскошай, цікавай з’яўляецца вонкавая лесвіца, упрыгожаная рознакаляровымі статуямі прарокаў, і ансамбль з сямі капліц, кожная з якіх прысвечана прыпынкам на шляху да месца распяцця Хрыста.
