Беларуская федэрацыя шахмат

Грамадскае аб’яднанне «Беларуская федэрацыя шахмат»
БФШ
Дата заснавання	1992
Тып	спартыўная федэрацыя^[d]
Колькасць удзельнікаў	каля 3 тыс.
Старшыня	Сяргей Сычук
, Мінск, прасп. Незалежнасці, д. 43

Грамадскае аб’яднанне «Беларуская федэрацыя шахмат» (БФШ) — арганізацыя, што займаецца правядзеннем на тэрыторыі Беларусі спаборніцтваў па шахматах, папулярызацыяй шахматнага спорту. Заснавана ў 1992 г. на грунце федэрацыі шахмат БССР; сябра Міжнароднай федэрацыі шахмат (ФІДЭ). БФШ і яе аддзяленні ў абласцях Беларусі арганізуюць шэраг рэгіянальных, нацыянальных і міжнародных турніраў, у т. л. Чэмпіянаты Беларусі па шахматах.

У ліпені 2018 г. рашэннем выканкама БФШ з членаў арганізацыі быў выключаны Уладзіслаў Каташук, вядомы трэнер з Брэста, які задаваў федэрацыі нязручныя пытанні пра развіццё шахмат у краіне, фінансавы бок удзелу ў міжнародных турнірах і інш.^[1][2] Гэтае выключэнне шахматысты і трэнеры Беларусі крытыкавалі як па форме, так і па сутнасці^[3][4], аднак рашэнне выканкама БФШ зменена не было. Толькі ў лістападзе 2021 г. канферэнцыя БФШ адзінагалосна аднавіла Каташука ў шэрагах арганізацыі^[5].

У кастрычніку 2018 г. на кангрэсе ФІДЭ ў Батумі Беларусь, па ініцыятыве БФШ, атрымала права правесці ў жніўні 2022 г. Сусветную шахматную алімпіяду і кангрэс ФІДЭ, жаночы Кубак свету ў 2020 г. і мужчынскі Кубак свету ў 2021 г.^[6] (нічога з пералічанага праведзена ў Беларусі не было).

Кіраўнікі

• Канстанцін Іваноў (2002—2009)
• Леанід Чуро (2009 — 19 мая 2017)
• Анастасія Сарокіна (з 19 мая 2017 па май 2021)^[7]
• Сяргей Сычук (з 30 лістапада 2021)^[7]

Зноскі

1. https://www.openchess.by/news/1934.html
2. Иван Сапега. Тренер задал неудобные вопросы – вместо ответа его исключили из федерации. Странная ситуация в белорусских шахматах (руск.). Tribuna.com (20 жніўня 2018). Праверана 4 жніўня 2019.(недаступная спасылка)
3. https://belisrael.info/?p=16268
4. https://belisrael.info/?p=16351
5. https://belisrael.info/?p=29425
6. Разное. Беларусь и ФИДЕ подписали контракт на проведение Всемирной шазматной олимпиады-2022 в Минске (руск.). Прессбол (29 студзеня 2019). Праверана 4 жніўня 2019.(недаступная спасылка)
7. Начальник отдела кадров «Белавиа» избран председателем Белорусской федерации шахмат