Баранавіцкае партызанскае злучэнне паўднёвай зоны

Баранавіцкае партызанскае злучэнне паўднёвай зоны
Гады існавання	кастрычнік-лістапад 1943 года — ліпень 1944 года
Краіна	СССР
Падпарадкаванне	Беларускі штаб партызанскага руху
Уваходзіць у	Савецкі партызанскі рух у Беларусі
Тып	партызаны
Функцыя	змаганне з акупантамі
Колькасць	2400 партызан (ліпень 1944 года)
Дыслакацыя	Быценскі, Ляхавіцкі, Нясвіжскі, Клецкі раёны (Баранавіцкай вобласці) і Ганцавіцкі раён (Пінскай вобласці)
Войны	Другая сусветная вайна Вялікая Айчынная вайна
Удзел у	Вялікая Айчынная вайна
Камандзіры
Вядомыя камандзіры	Фёдар Аляксеевіч Баранаў (кастрычнік 1943 — сакавік 1944); Пётр Андрэевіч Бягун (выконваў абавязкі, красавік — май 1944); Рыгор Дзмітрыевіч Румянцаў (май — ліпень 1944).

Баранавіцкае партызанскае злучэнне паўднёвай зоны — партызанскае злучэнне, створанае ў кастрычніку—лістападзе 1943 года з мэтай узмацнення кіраўніцтва партызанскім рухам у паўднёвых раёнах (на поўдзень ад чыгункі Мінск — Брэст) Баранавіцкай вобласці. Злучэнне дзейнічала на акупаванай тэрыторыі Быценскага, Ляхавіцкага, Нясвіжскага, Клецкага і Ганцавіцкага (Пінская вобласць) раёнаў. З сакавіка 1944 года злучэнне называлася «Група №26». На поўначы Баранавіцкай вобласці дзейнічала Баранавіцкае партызанскае злучэнне.

Камандаванне

Камандзіры:

• Фёдар Аляксеевіч Баранаў (кастрычнік 1943 — сакавік 1944);
• Пётр Андрэевіч Бягун (выконваў абавязкі, красавік — май 1944);
• Рыгор Дзмітрыевіч Румянцаў (май — ліпень 1944).

Начальнік штаба — М. К. Зайцаў.

Структура

У склад злучэння ўваходзілі тры брыгады:

• 18-я партызанская брыгада імя М. В. Фрунзе;
• 19-я партызанская брыгада імя В. М. Молатава;
• 20-я партызанская брыгада імя В. С. Грызадубавай,

4 асобных атрада:

• 200-ы партызанскі атрад;
• 620-ы партызанскі атрад імя В. І. Чапаева;
• партызанскі атрад імя А. А. Жданава;
• партызанскі атрад імя С. М. Кірава.

На час злучэння з часцямі Чырвонай Арміі (3 — 12 ліпеня 1944) налічвала 2 400 партызан.

Літаратура

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.