Мост Апалон (славацк.: Most Apollo) — мост праз раку Дунай у горадзе Браціслава. Будаўніцтва было пачата ў 2002 годзе. Мост быў адкрыты 5 верасня 2005 года. Назва ідзе ад кампаніі «Апалон» (сучасны: Slovnaft) — нафтаперапрацоўчага заводу, размешчанага на левым беразе ракі ў гэтым раёне да Другой сусветнай вайны. Яго выгнутыя лініі, нахільныя аркі і фактычная адсутнасць прамых вуглоў робяць форму моста досыць складанай. Яго даўжыня 835 метра, шырыня — 32 м. Вага моста — 5240 тон.
