Антоні Аскерка

Антоні Аскерка
Герб «Мурдэліа»
Кашталян новагародскі 1726 — 1734
Папярэднік	Антон Навасельскі
Пераемнік	Багуслаў Незабытоўскі
Нараджэнне	1670
Смерць	1734(1734)
Род	Аскеркі
Бацька	Міхал Аскерка
Маці	Канстанцыя Яленская
Жонка	Ганна Грабоўская, Сафія Календа
Дзеці	Гервазы Людвік, Рафал Алойзы, Міхал Стэфан, Казімір Мацей, Марцін Тэадор, Багуслаў Леапольд.

Антоні Аскерка (каля 1670 — пасля 3 лістапада 1734) — вялікалітоўскі дзяржаўны дзеяч.

Біяграфія

Мазырскі чашнік з 1697, маршалак з 1713, староста ў 1722—1724, вялікі пісар літоўскі ў 1724—1726, кашталян новагародскі з 1726; пасол на соймы 1712, 1717, 1720, 1733, дэпутат Трыбунала ВКЛ у 1709—10.

Быў прыхільнікам Радзівілаў, варагаваў з Сапегамі.

З-за таго, што згодна са шлюбнай дамовай ахрысціў свайго сына Міхала Стафана паводле кальвінскага абраду, быў засуджаны да пазбаўлення ўрадаў, маёнткаў і жыцця (прысуд адменены пасля пераходу сына ў каталіцтва).

Сям'я

Сын Міхала Аскеркі і Канстанцыі Яленскай, унук Самуэля Аскеркі. Жанаты з Ганнай Грабоўскай, потым з Сафіяй Календай, меў сыноў Гервазыя Людвіка, Рафала Алойзы, Міхала Стэфана, Казіміра Мацея, Марціна Тэадора і Багуслава Леапольда.

Зноскі

Літаратура

• Пазднякоў В. Аскеркі // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 257. — 688 с. — ISBN 985-11-0314-4 (т. 1), ISBN 985-11-0315-2.