Андрэй Аляксандравіч Разін

Андрэй Разін
Поўнае імя	Андрэй Аляксандравіч Разін
Нарадзіўся	12 жніўня 1979(1979-08-12) (45 гадоў) Брэст, Брэсцкая вобласць, БССР, СССР
Грамадзянства	Беларусь
Рост	176 см
Вага	71 кг
Пазіцыя	паўабаронца
Клубная кар’ера[* 1]
1995—1999 Дынама (Брэст) 57 (13) 1995 →  Дынама-2 (Брэст) 1 (0) 1996 →  Белаазёрск 26 (9) 1997—1998 →  Дынама-2 (Брэст) 8 (2) 2000—2005 Дынама (Мінск) 97 (25) 2003 →  Тарпеда-СКА (Мінск) 25 (4) 2006 Анжы (Махачкала) 22 (0) 2006 Энчапінг 6 (0) 2007 Дарыда (Ждановічы) 11 (2) 2007—2008 Зорка (Іркуцк) 40 (5) 2009—2013 Мінск 133 (34) 2014 Мінск-2 23 (6)
Нацыянальная зборная[* 2]
2000—2001 Беларусь (да 21) 9 (0)
Трэнерская кар’ера
2016—2018 Мінск трэнер 2019—2020 Мінск
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. Колькасць гульняў і галоў за нацыянальную зборную ў афіцыйных матчах

Андрэй Разін (нар. 12 жніўня 1979) — беларускі футбаліст (паўабаронца) і трэнер.

Клубная кар’ера

Пачаў кар’еру ў брэсцкім «Дынама», пазней перабраўся ў «Дынама» з Мінска. Лепей за ўсё правёў сезон 2004, калі дапамог мінчанам стаць чэмпіёнамі, быў тады прызнаны найлепшым іграком чэмпіянату. Пасля гуляў у Швецыі і Расіі.

У 2009 годзе перабраўся ў «Мінск», дзе стаў капітанам каманды. Гуляў на пазіцыі флангавага паўабаронцы. Прывёў клуб да бронзавых медалёў чэмпіянату 2010 і да перамогі ў Кубку Беларусі 2013.

У студзені 2014 года пакінуў «Мінск»^[1]. Неўзабаве прыняў прапанову стаць гуляючым трэнерам каманды «Мінск-2»^[2], у складзе якой і распачаў сезон 2014. Быў адным з лідараў каманды, аднак у студзені 2015 года «Мінск-2» спыніў існаванне, пасля чаго Андрэй канчаткова перайшоў на трэнерскую працу ў юнацкую каманду «Мінска».

Міжнародная кар’ера

У 2000—2001 гадах гуляў за моладзевую зборную Беларусі.

Трэнерская кар’ера

У студзені 2016 года, пасля таго як «Мінск» узначаліў Георгій Кандрацьеў, Разін заняў пасаду трэнера па навукова-метадычнай працы. У 2018 годзе займаў гэтую пасаду і ў штабе Аляксандра Лухвіча.

У студзені 2019 года быў прызначаны галоўным трэнерам «Мінска»^[3]. Пад кіраўніцтвам Разіна «Мінск» заняў 9-е месца з 16 у чэмпіянаце Беларусі 2019. У снежні 2019 года падоўжыў кантракт з «Мінскам»^[4].

У жніўні 2020 года пасля шэрагу няўдач пакінуў пасаду галоўнага трэнера, аднак застаўся працаваць у структуры «Мінска»^[5].

Дасягненні

• Чэмпіянат Беларусі:
  • 01 Чэмпіён Беларусі: 2004
  • 02 Срэбраны прызёр чэмпіянату Беларусі (2): 2001, 2005
  • 03 Бронзавы прызёр чэмпіянату Беларусі (2): 2000, 2010
  • Найлепшы футбаліст чэмпіянату Беларусі: 2004
  • Найлепшы паўабаронца чэмпіянату Беларусі: 2004
  • У спісе 22 найлепшых футбалістаў чэмпіянату Беларусі (4): 2003, 2004, 2005, 2010

• Кубак Беларусі:
  • Уладальнік Кубка Беларусі: 2013

Крыніцы

1. Андрей Разин ушел из «Минска» (руск.). football.by (3 студзеня 2014). Праверана 6 мая 2024.
2. Андрей Разин продолжит карьеру в качестве играющего тренера "Минска-2" (руск.). football.by (20 студзеня 2014). Праверана 6 мая 2024.
3. "Минск" назвал имя нового главного тренера (руск.). football.by (14 студзеня 2019). Праверана 6 мая 2024.
4. Разин остался у руля "Минска" (руск.). football.by (9 снежня 2019). Праверана 6 мая 2024.
5. Скрипченко сменил Разина на посту главного тренера "Минска" (руск.). football.by (4 жніўня 2020). Праверана 6 мая 2024.

Спасылкі

• Андрей Разин (руск.)(недаступная спасылка). Афіцыйны сайт «Мінска». Архівавана з першакрыніцы 21 лютага 2020.