Анатоль Іосіфавіч Ляўковіч

Анатоль Іосіфавіч Ляўковіч
Род дзейнасці	палітык, філосаф
Дата нараджэння	9 чэрвеня 1953(1953-06-09) (71 год)
Месца нараджэння	Петрыкаўскі раён, Палеская вобласць, БССР, СССР
Грамадзянства	Беларусь
Месца працы	Брэсцкі дзяржаўны ўніверсітэт імя А. С. Пушкіна
Альма-матар	БДУ (1979) Магілёўскае культурна-асветніцкае вучылішча імя Н. К. Крупскай (1971)
Партыя	БСДП
Член у	Свабодны прафсаюз Беларускі
Медыяфайлы на Вікісховішчы

Анатоль Іосіфавіч Ляўковіч (нар.9 чэрвеня 1953 , в. Дуброва Петрыкаўскага раёна Гомельскай вобласці) — беларускі палітычны дзеяч. Кандыдат філасофскіх навук.

Біяграфія

Скончыў тэатральнае аддзяленне культурна-асветніцкага вучылішча ў Магілёве (1971), Беларускі дзяржаўны ўніверсітэт (1979), аспірантуру пры БДУ.

Працаваў выкладчыкам у Брэсцкім дзяржаўным педагагічным інстытуце, на кафэдры філасофіі Брэсцкага дзяржаўнага ўніверсітэта.

Быў сустаршынёй Брэсцкага дэмакратычнага клуба (1987), адным з заснавальнікаў Свабоднага прафсаюзу Беларускага, удзельнік стварэння Беларускага Хельсінкскага камітэта. Адзін з заснавальнікаў БСДП (Грамада). 10 гадоў узначальваў Брэсцкую абласную арганізацыю партыі, старшыня БСДП (2005), першы намеснік старшыні і выканаўца абавязкаў старшыні (з 2007)^[1].

У 2005 годзе і ў 2008—2011 гадах быў старшынёй Беларускай сацыял-дэмакратычнай партыі (Грамада). У 2007—2010 гадах з’яўляўся сустаршынёй Палітсавета Аб’яднаных дэмакратычных сіл Беларусі. З мая 2012 года ўзначальвае Аргкамітэт рэспубліканскага грамадска-асветніцкага аб’яднання «Сацыял-дэмакраты за дыялог і кансалідацыю». З сакавіка 2017 года па лістапад 2021 года з'яўляўся членам Савета гуманітарна-асветніцкага грамадскага аб’яднання «Садружнасць Палесся»^[2][3].

Зноскі

1. Анатоль Ляўковіч
2. О национальной идее и белорусской государственной идеологии Архівавана 26 лістапада 2020.
3. Важное сообщение Совета ГПОО Архівавана 6 снежня 2021.