PROFILBARU.COM

Алена Уладзіміраўна Фраленка
Алена Уладзіміраўна Фраленка
Дата нараджэння	8 (21) мая 1915
Месца нараджэння	Дрыса, Дрысенскі павет, Віцебская губерня, Расійская імперыя;
Дата смерці	6 красавіка 1999 (83 гады)
Грамадзянства	Расійская імперыя; СССР; Беларусь;
Род дзейнасці	урач, выкладчыца ўніверсітэта, медыцынскі адміністратар, тэрапеўт, загадчык кафедры
Месца працы	БДМУ;
Навуковая ступень	доктар медыцынскіх навук (1970)
Навуковае званне	прафесар[d] (1972);
Альма-матар	Беларускі медыцынскі інстытут (1937);
Узнагароды	Выдатнік аховы здароўя БССР[d]

Алена Уладзіміраўна Фраленка (нар. 21 мая (8 мая) 1915, Дрыса, Віцебская губерня — 6 красавіка 1999) — беларускі вучоны. Доктар медыцынскіх навук (1970), прафесар (1973).

Біяграфія

У 1937 годзе скончыла Мінскі медыцынскі інстытут. У 1937—1938 гадах — урач Полацкай гарадской паліклінікі. У 1938—1941 гадах загадвала Росіцкім урачэбным участкам Віцебскай вобласці. 1941 год — ардынатар кафедры шпітальнай тэрапіі Мінскага медыцынскага інстытута.

У час Вялікай Айчыннай вайны сувязная партызанскага атрада, начальнік медыка-санітарнай службы асаблівага партызанскага атрада (1941—1944); 1946—1950 гадах — ардынатар, асістэнт кафедры шпітальнай тэрапіі Мінскага медыцынскага інстытута.

У 1956 годзе Алене Уладзіміраўне Фраленка прысуджана вучоная ступень кандыдата медыцынскіх навук, 1970 — прысуджана вучоная ступень доктара медыцынскіх навук.

Навуковая дзейнасць

Вывучала пытанні этыялогіі і патагенезу, дыягностыкі, прафілактыкі рэўматызму; рэўматычныя захворванні суставаў. Распрацавала класіфікацыю хранічных захворванняў лёгкіх; прапанавала комплексны метад лячэння нагнаіцельных працэсаў у лёгкіх. Працавала над пытаннямі дыягностыкі і дыферэнцыяльнай дыягностыкі хранічных бранхітаў.

Аўтар больш за 120 навуковых прац.

Зноскі

Літаратура

Фроленко Елена Владимировна // Регионы Беларуси : энциклопедия : в 7 т. / редкол.: Т. В. Белова [и др.]. — Минск : БелЭн імя П. Броўкі, 2011. — Т. 2 : Витебская область : в 2 кн. — Кн. 2. — С. 562.
Фроленко Елена Владимировна // Республика Беларусь : энциклопедия : [в 7 т.] / редкол.: Г. П. Пашков [и др.]. — Минск : БелЭн імя П. Броўкі, 2008. — Т. 7 : Снегирь-Ящерицын. — 397.
Фраленка Алена Уладзіміраўна // Беларуская Савецкая Энцыклапедыя : у 12 т. / рэдкал.: П. У. Броўка [і інш.]. — Мінск, 1974. — Т. 10 : Сошна-Фут. — С. 622.
Фраленка Алена Уладзіміраўна // Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. — С. 452. — 10 000 экз. — ISBN 985-11-0035-8. — ISBN 985-11-0263-6 (т. 16).
Елена Владимировна Фроленко: (К 50-летию со дня рождения) //Здравоохр. Белоруссии. — 1965. — № 8. — С. 95.