Алена Мікалаеўна Даніловіч

Алена Мікалаеўна Даніловіч
Дата нараджэння	10 мая 1906(1906-05-10)
Месца нараджэння	Разань, Разанская губерня, Расійская імперыя
Дата смерці	8 лістапада 1957(1957-11-08) (51 год)
Грамадзянства	БССР
Прафесія	тэатральная актрыса
Тэатр	Беларускі трэці дзяржаўны тэатр Мазырскі калгасна-саўгасны тэатр Камітэт па справах мастацтваў пры Савеце Міністраў БССР Брэсцкі акадэмічны тэатр драмы імя Ленінскага камсамола Беларусі Палескі драматычны тэатр Магілёўскі абласны драматычны тэатр
Узнагароды

Алена Мікалаеўна Даніловіч (10 мая 1906, г. Разань, Расія — 8 лістапада 1957) — беларуская і руская актрыса. Заслужаная артыстка Беларусі (1955).

Біяграфія

Працавала ў тэатрах Расіі. З 1934 года ў Беларускім трэцім дзяржаўным тэатры, з 1937 года ў Мазырскім тэатры рабочай і калгаснай моладзі і створаным на яго базе ў 1938 годзе Палескім абласным драматычным тэатры. У 1943—1945 гадах ва Упраўленні па справах мастацтва Беларусі (у Маскве, потым у Мінску), у 1945—1946 гадах дырэктарка Брэсцкага абласнога драматычнага тэатра. 3 1946 года актрыса Палескага, а затым створаных на яго аснове Пінскага і Магілёўскага (з 1954) абласных драматычных тэатраў.

Творчасць

Характарная актрыса. Яе творчасць вызначалася лагічнай завершанасцю характараў, строгасцю форм. Сярод лепшых роляў: Мальвіна («Несцерка» В. Вольскага), пані Яндрыхоўская («Партызаны» К. Крапівы), старшыня калгаса Марына Сямёнаўна («Алазанская даліна» К. Губарэвіча і І. Дорскага), Франя («Калі зацвітаюць сады» В. Палескага), Гурмыжская («Лес^[ru]» А. Астроўскага), Ганна Андрэеўна («Рэвізор» М. Гогаля), Васа і Малання («Васа Жалязнова» і «Ягор Булычоў і іншыя^[ru]» М. Горкага).

Літаратура

• Г. Р. Герштэйн. Даніловіч Алена Мікалаеўна // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2012. — Т. 3. — 688 с. — 3 000 экз. — ISBN 978-985-11-0662-8.

Спасылкі

• Алена Мікалаеўна Даніловіч на сайце анлайн-энцыклапедыі «Беларусь у асобах і падзеях»