Алена Васілеўна Дземідовіч

Алена Васілеўна Дземідовіч
Дата нараджэння	1983
Грамадзянства	Беларусь
Род дзейнасці	гісторык
Месца працы	факультэт міжнародных адносін БДУ
Навуковая ступень	кандыдат гістарычных навук (2012)
Навуковае званне	дацэнт
Альма-матар	гістарычны факультэт БДУ

Алена Васілеўна Дземідовіч (нар. 1983) — беларускі гісторык. Спецыяліст па знешняй палітыцы Вялікага Княства Літоўскага і Рэчы Паспалітай у першай трэці XVII стагоддзя. Кандыдат гістарычных навук (2012), дацэнт^[1].

Біяграфія

Скончыла гістарычны факультэт БДУ, пасля магістратуру і аспірантуру. Абараніла ў 2012 годзе кандыдацкую дысертацыю «Вялікае Княства Літоўскае ў знешнепалітычных адносінах Рэчы Паспалітай з Расіяй і Швецыяй у першай трэці XVII ст.»^[1].

Працуе ў БДУ: выкладчыца кафедры гісторыі Беларусі Старажытнага часу і Сярэдніх вякоў, дацэнт кафедры міжнародных адносін факультэта міжнародных адносін. Стажыравалася ў Польшчы^[1].

Навуковая дзейнасць

Напрамкі даследаванняў: гісторыя міжнародных адносін Новага часу, палітычная і сацыяльная гісторыя краін Усходняй і Паўночнай Еўропы ў XVI—XVII стагоддзях^[1].

Бібліяграфія

• Вялікае Княства Літоўскае ў адносінах Рэчы Паспалітай з Расіяй і Швецыяй у першай трэці XVII ст. Мінск, 2021.

Крыніцы

1. Марозаў 2022.

Літаратура

• ДЗЕМІДОВІЧ Алена Васільеўна // Сучасныя беларускія даследчыкі гісторыі Вялікага Княства Літоўскага : біябібліяграфічны даведнік / С. П. Марозаў. — Гродна-Каўнас: ЮрСаПрынт, 2022. — 290 с. — ISBN 978-985-7257-57-7, 978-609-96340-1-2.