У Вікіпедыі ёсць артыкулы пра іншых людзей з прозвішчам
Саннікаў.
Алег Канстанцінавіч Са́ннікаў (14 верасня 1928 — 27 жніўня 1983) — беларускі вучоны ў галіне літаратуразнаўства і тэатразнаўства, кандыдат філалагічных навук (1961). Сын К. М. Саннікава. Бацька А. А. Саннікава.
Біяграфія
Нарадзіўся ў Гомелі. У 1952 годзе скончыў Беларускі дзяржаўны ўніверсітэт. З 1957 года працаваў у Інстытуце мастацтвазнаўства, этнаграфіі і фальклору Акадэміі навук БССР. З 1971 года галоўны рэдактар рэпертуарна-рэдакцыйнай калегіі Міністэрства культуры БССР. З 1975 года А. К. Саннікаў у Мінскім інстытуце культуры на пасадзе загадчыка кафедры тэорыі і гісторыі культуры.
Навуковая дзейнасць
А. К. Саннікаву належаць навуковыя працы па даследаванні тэатра і драматургіі.
Сярод апублікаванага:
- Сатырычныя характары беларускіх камедый. — Мн., 1961;
- Барышаў, Г. І. Беларускі народны тэатр Батлейка / Г. І. Барышаў, А. К. Саннікаў; М-ва вышэйш., сярэд. спец. і праф. адукацыі БССР, Ін-т мастацтвазнаўства, этнаграфіі і фальклору АН БССР, Беларус. дзярж. тэатр.-маст. ін-т. — Мінск: Выд-ва М-ва вышэйш., сярэд. спец. і праф. адукацыі БССР, 1962. — 179 с.
Зноскі
Літаратура
Спасылкі
