Ірына Васілеўна Назімава

Ірына Васілеўна Назімава
Дата нараджэння	22 лютага 1932(1932-02-22)
Месца нараджэння	Тыфліс, Грузінская ССР, Закаўказская Савецкая Федэратыўная Сацыялістычная Рэспубліка, СССР
Дата смерці	10 студзеня 2024(2024-01-10) (91 год)
Месца смерці	Мінск, Беларусь
Род дзейнасці	мастацтвазнаўца, педагог
Месца працы	Нацыянальны мастацкі музей Рэспублікі Беларусь Рэспубліканская мастацкая галерэя Беларуская дзяржаўная акадэмія мастацтваў Беларускі дзяржаўны ўніверсітэт культуры і мастацтваў
Альма-матар	Інстытут жывапісу, скульптуры і архітэктуры імя І. Я. Рэпіна (1957)
Член у	Беларускі саюз мастакоў

Ірына Васілеўна Назімава (22 лютага 1932, Тбілісі — 10 студзеня 2024^[1]) — беларускі мастацтвазнавец, педагог.

Біяграфія

Скончыла ў 1957 годзе Інстытут жывапісу, скульптуры і архітэктуры імя Рэпіна ў Ленінградзе. Працавала ў Дзяржаўным мастацкім музеі Беларусі, у Палацы мастацтваў Беларускага саюза мастакоў, у 1962—1970 гадах выкладала ў Беларускім тэатральна-мастацкім інстытуце, у 1975—1982 гадах у Мінскім інстытуце культуры.

Член Беларускага саюза мастакоў з 1963 года.

Навуковая дзейнасць і творчасць

Даследавала тэорыі і гісторыю беларускага і сусветнага выяўленчага мастацтва, праблемы эстэтычнага выхавання. Аўтар прац «А. А. Барысаў. Жыццё і творчасць» (1959), «Жывапіс» (1962), «М. А. Савіцкі» (1973), «Зоя Літвінава. Мая Радзіма» (1983) і інш. Аўтар уступных артыкулаў да каталогаў твораў беларускіх мастакоў: В. Цвіркі (1988), В. Жолтак (1999) і інш. Працавала таксама ў галіне станковай і кніжнай графікі.

Зноскі

1. Беларускі Саюз Мастакоў (нявызн.). Telegram. Праверана 16 студзеня 2024.

Літаратура

• Назімава Ірына Васілеўна // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).