188-я інжынерна-сапёрная брыгада

188-я гвардзейская Наўгародская Чырвонасцяжная ордэнаў Суворава і Кутузава 2-й ступені інжынерная брыгада
альтэрн.: 188-я інжынэрная брыгада[1]
Нарукаўны знак 188-й брыгады
Гады існавання	з 1942 г.
Краіна	Беларусь
Падпарадкаванне	Генеральны штаб Узброеных Сіл Рэспублікі Беларусь
Уваходзіць у	Спецыяльныя войскі
Тып	воінскае фарміраванне і брыгада
Дыслакацыя	Новае Пашкава[2]
Знакі адрознення
Камандзіры
Дзеючы камандзір	гвардыі палкоўнік Ігар Негярыш[3]

188-я гвардзейская Наўгаро́дская Чырванасця́жная ордэнаў Суво́рава і Куту́зава 2-й ступе́ні інжыне́рная брыга́да — падраздзяленне ўзброеных сіл Беларусі. Месца дыслакацыі — Вёска Новае Пашкава Магілёўскага раёна.

Гісторыя

15 верасня 1942 года ў вёсцы Чыміхіна Ціхвінскага раёна Ленінградскай вобласці была сфарміравана 39-я інжынерна-сапёрная брыгада спецыяльнага прызначэння.

З красавіка 1944 года яе поўнае найменне — 2-я гвардзейская матарызаваная штурмавая інжынерна-сапёрная Наўгародская брыгада Рэзерву Вярхоўнага Галоўнакамандуючага, а з чэрвеня — 2-я гвардзейская матарызаваная штурмавая інжынерна-сапёрная Наўгародская Чырванасцяжная брыгада. У Беларускай наступальнай аперацыі брыгада забяспечвала баявыя дзеянні дзвюх армій, удзельнічала ў вызваленні гарадоў Орша, Барысаў, Мінск.

У лістападзе 1945 года яна была перафарміравана ў 6-ю гвардзейскую інжынерна-сапёрную Наўгародскую Чырванасцяжную ордэнаў Суворава і Кутузава II ступені брыгаду, а ў красавіку 1947 года — у 10-й гвардзейскі інжынерна-сапёрны Наўгародскі Чырванасцяжны ордэнаў Суворава і Кутузава II ступені полк.

У 1990-я гады воінская частка стала 188-й гвардзейскай інжынерна-сапёрнай, а затым — інжынернай брыгадай.

У складзе Узброеных Сіл Рэспублікі Беларусь асабісты склад брыгады прымаў удзел практычна ва ўсіх буйных вучэннях, такіх як «Бярэзіна-2002», «Захад-2009» і «Шчыт Саюза-2011».

Зноскі

1. Беларуская служба Радыё «Свабода» — 2024. Праверана 12 ліпеня 2024.
   <a href="https://wikidata.org/wiki/Track:Q13028748"></a><a href="https://wikidata.org/wiki/Track:Q485500"></a>
2. Школа мужества для настоящих мужчин
3. Инженерная закалка

Спасылкі

• Ольга Толстая. Школа мужества для настоящих мужчин (руск.). «Вестник Могилева» (21 студзеня 2011).
• Игорь Кандраль. Инженерная закалка (руск.)(недаступная спасылка). КБелорусская военная газета «Во славу Родины» (14 верасня 2012). Архівавана з першакрыніцы 8 жніўня 2017.