Юрый Ігаравіч Гумянюк

Юрый Ігаравіч Гумянюк
Асабістыя звесткі
Дата нараджэння	24 верасня 1969(1969-09-24)
Месца нараджэння	Гродна, Гродзенская вобласць, БССР, СССР
Дата смерці	19 студзеня 2013(2013-01-19) (43 гады)
Месца смерці	Гродна, Гродзенская вобласць, Беларусь
Пахаванне	Сакрэт
Грамадзянства	Беларусь
Альма-матар	Гродзенскі дзяржаўны ўніверсітэт імя Янкі Купалы
Месца працы	Пагоня Гродзенскі абласны тэатр лялек Беларуская служба Польскага радыё Беларускае Радыё Рацыя День^[d] Czasopis
Прафесійная дзейнасць
Род дзейнасці	пісьменнік, паэт, журналіст, празаік, драматург, паланіст
Мова твораў	беларуская
Грамадская дзейнасць
Член у	Саюз беларускіх пісьменнікаў Таварыства вольных літаратараў Беларускі ПЭН
Медыяфайлы на Вікісховішчы

Юрый Ігаравіч Гумянюк (24 верасня 1969, Гродна — 19 студзеня 2013, Гродна) — беларускі паэт, празаік, журналіст, эсэіст.

Біяграфія

Нарадзіўся 24 верасня 1969 года ў Гродне. Скончыў у 1994 годзе Гродзенскі дзяржаўны ўніверсітэт імя Янкі Купалы, аддзяленне паланістыкі, вучыўся ў аспірантуры пры ім. На гродзенскім абласным радыё рыхтаваў літаратурна-мастацкі радыёчасопіс «Кантэкст» (1991–1994). Працаваў журналістам у газетах «Пагоня» (1992, 1995–2001) і «День» (2004), Працаваў загадчыкам літаратурнай часткі Гродзенскага тэатра лялек (1994–2000). З 2002 года — публіцыст беластоцкага месячніка «Czasopis». Працаваў для Беларускай службы Польскага радыё для Замежжа і для польскага беларускамоўнага Радыё Рацыя. Жыў у Гродне.

Загінуў 19 студзеня 2013 года пры нявысветленых абставінах, выпаў з 9 паверха гродзенскага інтэрната па вуліцы Сухамбаева, размешчанага побач з яго домам. Пахаваны на могілках Сакрэт у Гродне^[1].

Творчасць

Аўтар кніг паэзіі: «Водар цела» (Полацк, 1992), «Твар Тутанхамона» (Полацк, 1994), «Рытуал» (Полацк, 1999), «Вуліца тыгровых архідэй. Вершы 1987-2002» (Беласток, 2003).

Аўтар няскончанага рамана «Апосталы нірваны» (кн. першая 1995( надрукавана ў «Калосьсе», № 2 – 3, 1995); п'ес для дзяцей «Баль у барона Мюнхаўзена» (1993), «Таямніца залатога пярсьцёнку» (1998), «Каляднае падарожжа» (1999), пастаўленых у Гродзенскім тэатры лялек; дакументальнай сагі «Прывід даўніх Крэсаў» (2004–2005); шэрагу крытычных артыкулаў пра літаратуру, выяўленчае мастацтва і тэатр. Сурэдактар літаратурна-мастацкага альманаха «Калоссе».

Беларускія рок-гурты «Грунвальд», «Айша» (Jungle X-mas), а таксама асобныя выканаўцы стварылі на тэксты Юрыя Гуменюка каля двух дзясяткаў песень.

У творчасці Гумянюка можна знайсці вершы гомаэратычнага характару, між іншым Ружавокі дракон апублікаваны ў зборніку Кола, выдадзеным у Гродна ў 1993 гадзе^[2].

Прызнанне

• Член Таварыства вольных літаратараў,
• Член Саюза беларускіх пісьменнікаў,
• Член Беларускага ПЭН-цэнтра.

Зноскі

1. Гаўрук — Жалязняк – Белліт  (бел.) (14 ліпеня 2023). Праверана 19 жніўня 2024.
2. Валодзін У. Квір-гісторыя Беларусі другой паловы ХХ стагоддзя: спроба набліжэння. — Мінск, 2016. — С. 63.

Літаратура

• Гродзенскі паэт і журналіст Юрый Гумянюк выпаў з дзявятага паверха // Наша Ніва nashaniva.by: Здарэнні. 23:42, 19.01.2013
• Уладзімір Валодзін. Квір-гісторыя Беларусі другой паловы ХХ стагоддзя: спроба набліжэння. — Мінск, 2016. — 84 с.