Эштан Картэр

Эштан Картэр
англ.: Ashton Baldwin Carter
25-ы міністр абароны ЗША 17 лютага 2015 — 19 студзеня 2017
Папярэднік	Чак Хэйгел
Пераемнік	Джэймс Мэтціс
31-ы намеснік міністра абароны ЗША^[d] 6 кастрычніка 2011 — 4 снежня 2013
Папярэднік	William J. Lynn III^[d]
Пераемнік	Christine Fox^[d]
Assistant Secretary of Defense for Global Strategic Affairs^[d] 30 чэрвеня 1993 — 14 верасня 1996
Папярэднік	Stephen Hadley^[d]
Пераемнік	Jack Dyer Crouch, II^[d]
Under Secretary of Defense for Acquisition and Sustainment^[d] 27 красавіка 2009 — 5 кастрычніка 2011
Папярэднік	John J. Young, Jr.^[d]
Пераемнік	Frank Kendall III^[d]
Нараджэнне	24 верасня 1954(1954-09-24)[1][2] Філадэльфія, акруга Філадэльфія, Пенсільванія, ЗША
Смерць	24 кастрычніка 2022(2022-10-24)[3] (68 гадоў) Бостан, акруга Сафалк^[d], Масачусетс, ЗША
Жонка	Клейтан Спэнсер^[d]
Партыя	Дэмакратычная партыя ЗША
Член у	Амерыканская акадэмія мастацтваў і навук Таварыства Phi Beta Kappa
Адукацыя	Ельскі каледж^[d] Эдынбургскі ўніверсітэт Сент-Джонс каледж^[d][4] Abington Senior High School^[d] Trumbull College^[d]
Месца працы	Гарвардскі ўніверсітэт Міністэрства абароны ЗША MIT Center for International Studies^[d] Fermilab^[d] Брукхейвенская нацыянальная лабараторыя
Аўтограф
Узнагароды	член Амерыканскага фізічнага таварыства^[d] член Амерыканскай акадэміі мастацтваў і навук стыпендыя Родса (1976) Joseph A. Burton Forum Award^[d] (1988)
Медыяфайлы на Вікісховішчы

Эштан Болдуін Картэр (англ.: Ashton Baldwin Carter; 24 верасня 1954, Філадэльфія, Пенсільванія — 24 кастрычніка 2022) — амерыканскі палітык і фізік, эксперт па палітыцы бяспекі. Міністр абароны ЗША з 17 лютага 2015 году па 20 студзеня 2017.

Біяграфія

Нарадзіўся 24 верасня 1954 года ў Філадэльфіі, Пенсільванія. Яго бацька Уільям Стэл Картэр Малодшы — ветэран Другой сусветнай вайны, у ваенна-марскім флоце быў неўролагам і псіхіятрам. Таксама Уільям Картэр быў старшынёй аддзела ў Мемарыяльным шпіталі Абінгтан на працягу 30 гадоў. Маці — Эн (Болдвін) Картэр, выкладчык англійскай мовы. Эштан Картэр рос разам з трыма роднымі братамі. Ва ўзросце 11 гадоў, калі Эштан Картэр працаваў на сваёй першай працы ў мыйцы машын, ён быў звольнены за тое, што абліў брудам уладальніка машыны.

Атрымаў ступень бакалаўра ў Ельскім універсітэце па сярэднявечнай гісторыі і тэарэтычнай фізіцы. Доктарскую ступень у галіне тэарэтычнай фізікі атрымаў як стыпендыят Родса ў Оксфардскім універсітэце. Выкладаў у Гарвардскім і ў Стэнфардскім універсітэтах. Працаваў кансультантам па пытаннях палітыкі бяспекі, у прыватнасці ў Goldman Sachs.

У 1993—1996 гадах працаваў у Дэпартаменце абароны ў адміністрацыі Біла Клінтана як памочнік міністра абароны ЗША па пытаннях міжнароднай палітыкі бяспекі. У адміністрацыі Барака Абамы: з 29 красавіка 2009 па 5 кастрычніка 2011 — намеснік міністра абароны па набыцці, лагістыцы і тэхналогіях, на гэтай пасадзе ён адказваў за закупкі зброі; з 6 кастрычніка 2011 па 3 снежня 2013 быў першым намеснікам Міністра абароны ЗША.

У снежні 2014 года Прэзідэнт ЗША Барак Абама прадставіў кандыдатуру Картэра на пасаду міністра абароны ЗША. Сенат ЗША зацвердзіў яго кандыдатуру першага лютага 2015 года.

Памёр 24 кастрычніка 2022 года пасля сардэчнага прыступу.

Зноскі

1. Ashton Carter // Encyclopædia Britannica Праверана 9 кастрычніка 2017.
   <a href="https://wikidata.org/wiki/Track:Q5375741"></a>
2. Ashton Carter // Munzinger Personen Праверана 9 кастрычніка 2017.
   <a href="https://wikidata.org/wiki/Track:Q107343683"></a>
3. Ashton Carter, defense secretary under Obama, dies at 68 // CBS News — CBS Broadcast Center: 2022. Праверана 14 лістапада 2022.
   <a href="https://wikidata.org/wiki/Track:Q861764"></a><a href="https://wikidata.org/wiki/Track:Q5009232"></a>
4. Rhodes Scholar Database Праверана 26 красавіка 2024.
   <a href="https://wikidata.org/wiki/Track:Q88887963"></a><a href="https://wikidata.org/wiki/Track:Q1204346"></a>