«Насьяналь» (ісп.: Club Nacional de Football) — уругвайскіфутбольны клуб з горада Мантэвідэа, адзін з самых тытулаваных клубаў свету. «Насьяналь» быў утвораны 14 мая 1899 года ў выніку аб’яднання двух каманд — Uruguay Athletic Club і Montevideo Fútbol Club. «Насьяналь», нароўні са сваім галоўным і прынцыповым праціўнікам, «Пеньяролем», супрацьстаянне з якім з’яўляецца Суперкласіка Уругвая, з’яўляецца лідарам уругвайскага футбола на працягу амаль усёй гісторыі яго развіцця. У суме гэтыя дзве каманды выйгралі 95 чэмпіянатаў Уругвая са 115. Гэтыя дзве каманды санам на 2014 год узначальвалі зводную табліцу Кубка Лібертадорэс за ўсю гісторыю турніру — з 1960 па 2014 год, прычым, нягледзячы на тое, што «Пеньяроль» з’яўляецца рэкардсменам па колькасці удзелаў у фінале і мае на два тытулы больш, чым «Насьяналь» (пяць супраць трох), менавіта «Насьяналь» утрымлівае першае месца ў дадзенай табліцы.
«Насьяналь» — чэмпіён свету ў 1980 годзе.
Ігракі «Насьяналя» дамагліся выдатных вынікаў у складзе зборнай Уругвая. У трох выпадках з чатырох найважнейшых перамог зборнай (2 Алімпіяды 1920-х гадоў, прыраўнаваныя да чэмпіянатаў свету сярод аматараў, а таксама 2 Кубка свету ФІФА) менавіта ігракі «Насьяналя» складалі касцяк пераможных складаў — на Алімпійскіх гульнях1924 і 1928 гадоў, а таксама на чэмпіянаце свету 1930 года. З усіх уругвайскіх клубаў толькі ігракі «Насьяналя» удзельнічалі ва ўсіх 15 пераможных кампаніях зборнай Уругвая на Кубках Амерыкі і чэмпіянатах Паўднёвай Амерыкі (з 1916 па 2011 год).
