PROFILBARU.COM

Трдат^[1], Тырыдат^[1], Тырдат^[1] (арм.: Տրդատ ճարտարապետ) — армянскі архітэктар сярэдзіны X — пачатку XI стагоддзя, заснавальнік школы армянскага дойлідства X—XI стагоддзяў. Прыдворны дойлід Анійскага царства^[2] дынастыі Багратыдаў.

Працы архітэктара адметныя дасканаласцю арачна-скляпенных канструкцый, гарманічнай яснасцю прасторавых кампазіцый, лаканічнай выразнасцю дэкору. Сярод прац: кафедральныя саборы ў Аргіне (977—988) і Ані (989—1001), царква Грыгорыя ў Ані (Гагікашэн; 1001—1010, трохярусная ратонда). Рэстаўрыраваў купал сабора Святой Сафіі ў Канстанцінопалі.

Крыніцы

Трдат, Тырыдат, Тырдат // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 526. — 10 000 экз. — ISBN 985-11-0035-8. — ISBN 985-11-0251-2 (т. 15).
Трдат, Тиридат, Тирдат // Т. 26. Тихоходки — Ульяново. — М. : Советская энциклопедия, 1977. — С. 176. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
Оганесян К. Л. Зодчий Трдат. — Ереван: Изд-во АН Армянской ССР, 1951. — 108 с. — 800 экз. (руск.)
Трдат, Тиридат, Тирдат // Популярная художественная энциклопедия. Архитектура. Живопись. Скульптура. Графика. Декоративное искусство. В 2 т. / Под ред. Полевого В. М. Ред. кол.: В. Ф. Маркузон, Д. В. Сарабьянов, В. Д. Синюков (зам. гл. ред.) — М.: Издательство «Советская энциклопедия», 1986. — Книга II. М—Я, 1986. — С. 302. — 432 с, ил., 32 л. ил. — 200 000 экз. (руск.)