Ромб

Ромб

Ромб (грэч. ρομβος) — чатырохвугольнік з роўнымі старанамi.

Ромб, стораны якога ўтвараюць прамы вугал называецца квадратам.

Уласцівасці

1. Ромб з'яўляецца паралелаграмам.
2. Дыяганалі ромба перпендыкулярныя адна адной.
3. Дыяганалі ромба з'яўляюцца бісектрысамі яго ўнутраных вуглоў
4. Дыяганалі ромба з'яўляюцца яго асямі сіметрыі
5. У ромб можна ўпісаць акружнасць

Прыкметы

Паралелаграм ${\displaystyle ABCD}$ з'яўляецца ромбам, калі выконваецца хаця б адна з наступных умоў:

1. Дзве яго сумежныя стораны роўныя (${\displaystyle AB=BC}$).
2. Яго дыяганалі перасякаюцца пад прамым вуглом (AC⊥BD).
3. Адна з яго дыяганаляў з'яўляецца бісектрысай яго вугла (∠DCA = ∠BCA).

Плошча

Формулы плошчы ромба:

${\displaystyle S=a^{2}\cdot sin\alpha }$

${\displaystyle S={\frac {1}{2}}d_{1}\cdot d_{2}}$

${\displaystyle S=a\cdot h}$

Дзе:

• ${\displaystyle a}$ — старана ромба
• ${\displaystyle \alpha }$ — унутраны вугал ромба
• ${\displaystyle d_{1},d_{2}}$ — дыяганалі ромба
• ${\displaystyle h}$ — вышыня ромба

Этымалогія

Паняцце ромб утворанае ад грэч. ρομβος — «бубен». І калі цяпер бубны ў асноўным робяць круглай формы, то раней іх рабілі якраз у форме квадрата або ромба. Дарэчы, назва карткавай масці бубны, знакі якой маюць ромбападобную форму, паходзіць яшчэ з тых часоў, калі бубны не былі круглымі.

Слова «ромб» упершыню ўжываецца ў Герона і Папа Александрыйскага.

Літаратура

• Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).

Спасылкі

• На Вікісховішчы ёсць медыяфайлы па тэме Ромб