Прэзідэнт Рэспублікі Науру абіраецца парламентам з ліку яго членаў і з’яўляецца адначасова кіраўніком дзяржавы і кіраўніком урада Науру (у 2013—2016 гадах існавала пасада прэм’ер-міністра, у далейшым скасаваная). Адначасова ён можа займаць міністэрскія пасады ў сфарміраваным ім урадзе. Прэзідэнт Науру абіраецца кожным новым абраным скліканнем парламента (тэрмін паўнамоцтваў якога складае, у сваю чаргу, 3 гады) без абмежаванняў на колькасць пераабранняў. Парламент можа датэрмінова адправіць у адстаўку прэзідэнта, вынесучы яму вотум недаверу, і абраць іншую асобу на астатні перыяд часу. Паколькі палітычныя партыі ў Науру адыгрываюць нязначную ролю (з усіх прэзідэнтаў Науру членамі якой-небудзь партыі былі толькі Бернард Давіёга[en], Кенан Аданг[en] і Кінза Кладумар[en]), абранне прэзідэнта адбываецца ў выніку дамоўленасцей незалежных дэпутатаў, што вядзе да частых датэрміновых адставак кіраўніка дзяржавы ў выніку распаду групоўкі дэпутатаў, якая падтрымлівае яго (19 разоў за гісторыю краіны прэзідэнту быў вынесены паспяховы вотум недаверу, 2 разы прэзідэнт датэрмінова падаваў у адстаўку пад яго пагрозай). Многія прэзідэнты Науру займалі пасаду менш за месяц, а Рэнэ Харыс[en] у 2003 годзе ў свой трэці тэрмін прабыў прэзідэнтам усяго суткі, пасля чаго зноў быў абраны яго папярэднік Давіёга. Пры гэтым за ўвесь 2003 год датэрміновыя прэзідэнцкія выбары[en] прайшлі восем разоў. Дзеючы прэзідэнт Лаянэл Энгімеа[en], абраны пасля парламенцкіх выбараў 2019 года.[1]
Зноскі
Спасылкі
