PROFILBARU.COM

Маўрэн Хіга Магі
Маўрэн Хіга Магі
Імя пры нараджэнні	парт.-браз. Maurren Higa Maggi
Род дзейнасці	лёгкаатлетка
Дата нараджэння	25 чэрвеня 1976 (48 гадоў)
Месца нараджэння	Сан-Карлус[d], штат Сан-Паўлу;
Грамадзянства	Бразілія;
Партыя	Бразільская сацыялістычная партыя;
	Медыяфайлы на Вікісховішчы

Маўрэн Хіга Магі (парт.-браз. Maurren Higa Maggi, нар. 25 чэрвеня 1976, Сан-Карлус, Бразілія) — бразільская лёгкаатлетка, спецыялізавалася ў скачку ў даўжыню. Алімпійская чэмпіёнка 2008 года, трохразовая пераможца Панамерыканскіх гульняў. Адзіная ў гісторыі алімпійская чэмпіёнка па скачках у даўжыню з Паўднёвай Амерыкі. Таксама выступала ў бар’ерным і гладкім бегу на спрынтарскія дыстанцыі.

Кар’ера

У 1999 годзе Маўрэн Хіга Магі стала чэмпіёнкай Панамерыканскіх гульняў у скачках у даўжыню і віцэ-чэмпіёнкай у бегу на 100 метраў з бар’ерамі. Ад удзелу ў Алімпійскіх гульнях 2000 года ёй прыйшлося адмовіцца з-за траўмы ў кваліфікацыі падчас скачковай часткі спаборніцтваў. У 2001 годзе на Універсіядзе ў Пекіне яна таксама заваявала залаты медаль у скачках у даўжыню і сярэбраны на 100 метрах з бар’ерамі.

На чэмпіянаце свету ў памяшканні 2003 года ў Бірмінгеме яна выйграла бронзу ў скачку ў даўжыню.

У чэрвені допінг-тэст спартсменкі выявіў наяўнасць забароненага стэроіда. Маурэн Маггі заявіла, што забаронены прэпарат утрымліваўся ў крэме для выдалення валасоў. Аднак яе апраўданням не паверылі і бразіліянка была дыскваліфікаваная на 2 гады. За вымушаны перапынак кар’еры яна выйшла замуж і нарадзіла дзіця.

У 2006 годзе Хіга Магі вярнулася ў спорт. У 2007 годзе яна зноў перамагла на Панамерыканскіх гульнях у Рыа-дэ-Жанейра ў скачках у даўжыню. На чэмпіянаце свету ў Осацы яна паказала шосты вынік.

На чэмпіянаце свету ў памяшканні 2008 года ў Валенсіі, яна заваявала сярэбраны медаль і ўстанавіла рэкорд Паўднёвай Амерыкі ў памяшканні, скокнуўшы на 6,89 метра ў скачку ў даўжыню.

На Летніх Алімпійскіх гульнях 2008 года ў Пекіне Маўрэн Хіга Магі заваявала залаты медаль у скачку ў даўжыню з вынікам 7,04 м, апярэдзіўшы расіянку Таццяну Лебедзеву ўсяго на адзін сантыметр.

Пасля поспеху на Алімпіядзе-2008 вынікі Магі ўпалі. Пробліскам надзеі паслужылі толькі Панамерыканскія гульні 2011 года, дзе спартсменка выйграла залаты медаль у скачку ў даўжыню.

Спартсменка брала ўдзел і ў Летніх Алімпійскіх гульнях 2012 года ў Лондане, аднак не змагла прайсці кваліфікацыйны раунд.

Асабістае жыццё

Маўрэн Хіга Магі замужам за былым бразільскім аўтагоншчыкам Антоніа Піцонія, які ў 2003—2005 гадах выступаў у Формуле-1 за каманду BMW WilliamsF1 Team. У сям’і падрастае дачка Сафія (нарадзілася ў снежні 2004 года).