Клепачо́ўскае радо́вішча глі́н — радовішча за 0,5 км на паўночны захад ад в. Клепачы Слонімскага раёна. Пластавы паклад звязаны з марэннымі адкладамі сожскага зледзянення. Папярэдне разведаныя запасы — 1,48 млн м³[1].
Гліны чырвона-бурыя, карычневыя, шакаладныя, шчыльныя, вязкія, тлустыя, пластычныя і высокапластычныя, з уключэннямі жвіру і галькі; гліністых часцінак драбней за 0,01 мм і 0,001 мм у іх адпаведна 33—46 % і 16—24 %. Магутнасць карыснай тоўшчы 1,5—16 м, ускрышы (гліністыя пяскі, супескі) 0,2—3,2 м. Гліны прыдатныя на выраб цэглы. Радовішча не распрацоўваецца[1].
Зноскі
Літаратура
