Катастрофа Boeing 737 ля Джакарты

Рэйс 182 Sriwijaya Air
Схема палёту рэйса 182
Агульныя звесткі
Дата	9 студзеня 2021
Час	7:40 UTC
Прычына	Тэхнічная няспраўнасць, памылкі экіпажа
Месца	Яванскае мора, у 19 км ад аэрапорта Сукарна-Хатыла, Джакарта (Інданезія)
Загінулыя	62 (усе)
Параненыя	0
Паветранае судна
Самалёт за 4 гады і 1 месяц да катастрофы.
Мадэль	Boeing 737-524
Імя самалёта	Citra
Авіякампанія	Sriwijaya Air
Пункт вылету	Сукарна-Хатыла, Джакарта
Пункт прызначэння	Супадыа, Панціанак
Рэйс	SJ182
Бартавы нумар	PK-CLC
Дата выпуску	13 мая 1994 (першы палёт)
Пасажыры	50
Экіпаж	12

Катастрофа Boeing 737 ля Джакарты (2021) — авіяцыйная катастрофа, якая адбылася 9 студзеня 2021 года. Авіялайнер Boeing 737-524 авіякампаніі Sriwijaya Air выконваў планавы ўнутраны рэйс SJ182 па маршруце Джакарта—Панціанак, але праз 4 хвіліны пасля ўзлёту ўвайшоў у крутое пікіраванне і знік з радараў над Яванскім морам^[1].

Самалёт

Boeing 737-524 з завадскім нумарам 27323 і серыйным 2616 быў выпушчаны на заводзе кампаніі «Boeing» у Рэнтане і 13 мая 1994 здзейсніў свой першы палёт. 31 мая таго ж года быў перададзены амерыканскай авіякампаніі Continental Airlines пад бартавым нумарам N27610. 1 кастрычніка 2010 года перайшоў у United Airlines, б/н застаўся без змен. 9 красавіка 2012 года быў набыты інданезійскай авіякампаніяй Sriwijaya Air і яго бартавы нумар змяніўся на PK-CLC. Быў абсталяваны двума турбавентылятарнымі рухавікамі CFM International CFM56-3C1^[2]. На момант катастрофы канфігурацыя самалёта была C8Y112 (8 месцаў у бізнес-класе, 112 у эканамічным).

Пасажыры і экіпаж

На борце знаходзіліся 62 чалавекі, 50 з якіх былі пасажырамі, 12 — членамі экіпажа. Усе яны з’яўляліся грамадзянамі Інданэзіі. Сярод пасажыраў быў Мулядзі Тамсір, палітык з Партыі народнага сумлення^[3][4]. Актыўны экіпаж складаўся з капітана Афвана (былога пілота ваенна-паветраных сіл Інданезіі^[5]), першага афіцэра Дыега Мамахіта і чатырох бортправаднікоў^[6].

Катастрофа

У 06:37 па UTC рэйс SJ-182 з’явіўся на радарах і каля гадзіны знаходзіўся на УПП міжнароднага аэрапорта Сукарна-Хатыла ў Джакарце. У 07:35 лайнер разагнаўся па паласе, узяў курс на Панціанак і пачаў набіраць вышыню. Праз 5 хвілін пасля вылету, на вышыні 3 300 м і пры хуткасці 532 км/г нармальны палёт борта спыніўся, самалёт пачаў хутка губляць вышыню. Па даных інтэрнэт-партала Flightradar24, апошнімі зафіксаванымі сістэмай ADS-B параметрамі палёту былі: вышыня — 250 футаў (76 метраў), хуткасць — 358 вузлоў (663 км/г)^[1][7]. Пасля гэтага самалёт знік з экранаў радараў, а сувязь з ім перарвалася. Відавочцы чулі два выбухі падчас катастрофы^[8].

Пошукава-выратавальная аперацыя

Улады Інданезіі разгарнулі пошукава-выратавальную аперацыю. Знойдзены абломкі і часткі загінулых людзей^[9]. На глыбіні 23 метры былі знойдзены абломкі самалёта і фрагменты целаў, а таксама чорныя скрыні^[10][11]. Параметрычны самапісец быў выняты з дна падводнымі плывунамі ВМС Інданезіі 12 студзеня ў 09:00 UTC. Па даных на 12 студзеня, было вынята 26 частак самалёта; па меншай меры, 4 загінулых былі ідэнтыфікаваныя, уключаючы другога пілота рэйса 182^[12]. Кампаненты маўленчага самапісцы і яго маячок былі выяўлены 15 студзеня, аднак модуля памяці самапісца на гэтым месцы не аказалася і нырцы ​​працягвалі яго пошукі^[13]. Адначасова National Transportation Safety Committee (NTSC) паведаміў, што даныя былі паспяхова выняты з параметрычнага самапісца. 330 параметраў былі даследаваны дазнавальнікамі^[14]. Reuters паведамляў, што былі выняты карэктныя даныя пра шлях, хуткасць і стане рухавікоў^[15][16].

Гл. таксама

• Катастрофа Boeing 737 ля Джакарты (2018)

Зноскі

1. Flightradar24. Live Flight Tracker - Real-Time Flight Tracker Map (англ.). Flightradar24. Праверана 9 студзеня 2021.
2. PK-CLC info (нявызн.). www.planespotters.net. Праверана 9 студзеня 2021.
3. Kader Hanura Turut Jadi Korban Jatuhnya Sriwijaya Air Rute Jakarta-Pontianak (індан.). Berita Satu. Праверана 9 January 2021.
4. 3 Keluarga TNI AU Jadi Penumpang Pesawat Sriwijaya Air SJ182 yang Jatuh (нявызн.). Detik News. Архівавана з першакрыніцы 9 January 2021. Праверана 9 January 2021.
5. Pilot Sriwijaya Air yang Hilang Kontak Merupakan Mantan Penerbang TNI AU (нявызн.). Kompas. Архівавана з першакрыніцы 9 January 2021. Праверана 9 January 2021.
6. "Sriwijaya Air SJY 182 Hilang Kontak Bawa 56 Penumpang Termasuk 3 Bayi"(індан.). Suara. 9 January 2021. Архівавана з арыгінала 9 January 2021. Праверана 9 January 2021.
7. В Индонезии разбился самолет Boeing 737 (руск.). РИА Новости (9 студзеня 2021). Праверана 9 студзеня 2021.
8. Рыбаки во время катастрофы Boeing 737−500 наблюдали два взрыва (нявызн.). regnum.ru. Праверана 9 студзеня 2021.
9. Что известно о крушении индонезийского Boeing 737-524 (нявызн.). ТАСС. Праверана 9 студзеня 2021.
10. Что известно о крушении индонезийского Boeing 737-524 (нявызн.). ТАСС. Архівавана з першакрыніцы 9 студзеня 2021. Праверана 9 студзеня 2021.
11. Найдены черные ящики упавшего индонезийского самолета (руск.). РИА Новости (10 студзеня 2021). Праверана 11 студзеня 2021.
12. В Индонезии достали «черный ящик» упавшего в океан Boeing (нявызн.).
13. Indonesia divers find casing of crashed jet's 'black box': navy (нявызн.).
14. Data FDR Sriwijaya Air Berhasil Diunduh, KNKT: Sedang Kita Pelajari (нявызн.).
15. Indonesia extracts data from crashed Sriwijaya 737's FDR (нявызн.).
16. Data recovered from crashed Sriwijaya Air jet's flight recorder (нявызн.).

Спасылкі

• Апісанне катастрофы на Aviation Safety Network