Касцёл Найсвяцейшай Тройцы (Дэмбрава)

Каталіцкі храм
Касцёл Найсвяцейшай Тройцы
53°38′06″ пн. ш. 24°28′28″ у. д.^HGЯO
Краіна	Беларусь
Месцазнаходжанне	Дэмбрава
Канфесія	Каталіцызм
Епархія	Гродзенская дыяцэзія Шчучынскі дэканат
Архітэктурны стыль	барока
Першае згадванне	1674 г.
Дата пабудовы	XVIII ст.
Стан	дзейнічае
Медыяфайлы на Вікісховішчы

Касцёл Найсвяцейшай Тройцы — мураваны каталіцкі храм у аграгарадку Дэмбрава Шчучынскага раёна Гродзенскай вобласці, помнік архітэктуры барока.

Гісторыя

Касцёл пабудаваны ў XVIII стагоддзі на месцы храма 1674 года.

Архітэктура

Размешчаны ў цэнтры вёскі. Помнік архітэктуры барока. Вырашаны прамавугольным у плане пад двухсхільным дахам аб’ёмам, да якога далучана прамавугольная апсіда з бакавымі нізкімі сакрысціямі. Над трохвугольным франтонам фасада ўзведзена двух’ярусная (васьмярык на чацверыку) шатровая драўляная званічка. Бакавыя фасады рытмічна расчлянёны арачнымі аконнымі праёмамі і шырокімі лапаткамі ў прасценках. Уваход аформлены парталам з глыбокай прамавугольнай нішай і двухсхільным пакрыццём^[1].

Вакол касцёла захавалася бутавая агароджа з брамай.

Зноскі

1. Архіўная копія (нявызн.)(недаступная спасылка). Архівавана з першакрыніцы 9 кастрычніка 2019. Праверана 9 кастрычніка 2019.

Літаратура

• Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.

Спасылкі

• Дзембрава — парафія Найсвяцейшай Тройцы на Catholic.by