Карын Жан-П’ер

Карын Жан-П’ер
фр.: Karine Jean-Pierre
Прэс-сакратар Белага дома^[d] з 13 мая 2022
Папярэднік	Джэн Псакі
Намеснік прэс-сакратара Белага дома^[d] 20 студзеня 2021 — 13 мая 2022
Папярэднік	Brian Morgenstern^[d]
Нараджэнне	13 жніўня 1974(1974-08-13) (50 гадоў) Форт-дэ-Франс, Марцініка, Францыя
Адукацыя	Калумбійскі ўніверсітэт Школа міжнародных адносін Калумбійскага ўніверсітэта^[d] Нью-Ёркскі тэхналагічны інстытут^[d] (1997)[1]
Месца працы	Белы дом
Узнагароды	Out100^[d] (2022)
Медыяфайлы на Вікісховішчы

Карын Жан-П’ер (англ.: Karine Jean-Pierre; нар. 13 жніўня 1974, Форт-дэ-Франс, Францыя) — амерыканская палітычная дзяячка гаіцянскага паходжання, прэс-сакратарка Белага дома.

Біяграфія

Бацькі Карын Жан-П’ер — імігранты: бацька — кіроўца таксі, маці — уладальніца салона прыгажосці ў Нью-Ёрку. Яе бацькі хацелі, каб яна стала практыкуючым лекарам, але, не набраўшы неабходных балаў для паступлення ў медыцынскае вучылішча, Карын занялася грамадскай дзейнасцю^[2].

Працавала палітычным аналітыкам тэлеканалаў NBC News і MSNBC, а таксама выкладала міжнародныя і грамадскія адносіны ў Калумбійскім універсітэце. Займала пасаду дырэктара па сувязях з грамадскасцю ў праваабарончай арганізацыі MoveOn.org.

Стартам кар’еры ў вялікай палітыцы пачынаючы з 2008 года паслужыў заняты ёю пост палітычнага дырэктара паўднёва-усходняга рэгіёну ў выбарчай кампаніі Барака Абамы падчас выбараў прэзідэнта ЗША, на якіх ён атрымаў перамогу.

Падчас прэзідэнцкай кампаніі Джо Байдэна Карын Жан-П’ер была старэйшым саветнікам будучага кіраўніка дзяржавы^[3].

З лістапада 2020 года стала першым намеснікам прэс-сакратара Белага дома. Першы брыфінг на гэтай пасадзе Карын Жан-П’ер правяла ў маі 2021 года. Раней была кіраўніком апарата кандыдата ў віцэ-прэзідэнты ад Дэмакратычнай партыі Камалы Харыс падчас прэзідэнцкай кампаніі ЗША 2020 года^[4].

«Яна стане першай цемнаскурай жанчынай і першым адкрытым прадстаўніком ЛГБТК+, які калі-небудзь займаў пасаду прэс-сакратара Белага дома. Яна мае шматгадовы досвед працы, пачынаючы з працы ва ўрадзе і палітыцы ў Нью-Ёрку, і заканчваючы гадамі, калі яна працавала адвакатам і саветнікам Джо Байдэна падчас яго віцэ-прэзідэнцтва. Яна гарачая, яна разумная, і ў яе ёсць маральны стрыжань, які робіць яе не толькі выдатным калегам, але і выдатнай мамай і чалавекам. У яе выдатнае пачуццё гумару», — так ахарактарызавала сваю пераемніцу Джэн Псакі. З 13 мая 2022 года займае пасаду прэс-сакратара Белага дома.

У Карын да верасня 2023 года былі адносіны з карэспандэнткай CNN Сюзан Мальва — у іх ёсць прыёмная дачка^[5].

Крыніцы

1. https://www.nyit.edu/box/features/news_byte_alumna_named_to_biden_white_house_staff
2. Карин Жан-Пьер биография. Биография Карин Жан-Пьер. Личная жизнь Карин Жан-Пьер. - Свободная Пресса (руск.). svpressa.ru. Архівавана з першакрыніцы 31 жніўня 2022. Праверана 31 жніўня 2022.
3. Карин Жан-Пьер стала новым спикером Белого дома: биография преемницы Джен Псаки (фото) (руск.). ФОКУС (6 мая 2022). Архівавана з першакрыніцы 31 жніўня 2022. Праверана 31 жніўня 2022.
4. Новым пресс-секретарём Белого дома впервые стала темнокожая (руск.). Радио Свобода. Архівавана з першакрыніцы 31 жніўня 2022. Праверана 31 жніўня 2022.
5. Карин вместо Джен: кто стал новым представителем Белого дома и чем запомнилась Псаки? (руск.). Mir24. Архівавана з першакрыніцы 31 жніўня 2022. Праверана 31 жніўня 2022.