PROFILBARU.COM

Арсен Уладзіміравіч Канчэўскі
Арсен Уладзіміравіч Канчэўскі
Дата нараджэння	5 верасня 1901
Месца нараджэння	Вільня, Віленскі павет, Віленская губерня, Расійская імперыя;
Дата смерці	31 жніўня 1931 (29 гадоў)
Месца смерці	Геленджык, Паўночна-Каўказскі край, РСФСР, СССР;
Пахаванне	Вайсковыя могілкі;
Грамадзянства	Расійская імперыя; Савецкая Сацыялістычная Рэспубліка Беларусі; Літоўска-Беларуская Савецкая Сацыялістычная Рэспубліка; Польская Рэспубліка;
Партыя	Беларуская партыя сацыялістаў-рэвалюцыянераў; Камуністычная партыя Заходняй Беларусі;
Член у	Таварыства беларускай школы;
Род дзейнасці	палітык
	Медыяфайлы на Вікісховішчы

Арсе́н (Арсе́нь) Уладзі́міравіч Канчэ́ўскі (парт. псеўд.: Вла́дэк Камі́нскі, тав. Ула́дэк; 5 верасня 1901, Вільня — 31 жніўня 1931, Геленджык) — беларускі дзеяч рэвалюцыйнага і нацыянальна-вызвольнага руху ў Заходняй Беларусі.

Біяграфія

Нарадзіўся ў Вільні ў сям’і сакратара акруговага ваеннага суда^[1], бацька ў сталым веку прыняў сан праваслаўнага святара^[1]^[2]. Малодшы брат вядомага беларускага філосафа, паэта і публіцыста, удзельніка беларускага культурна-асветніцкага руху Ігната Канчэўскага^[1].

У 1919 годзе служыў у Наркамаце асветы Літоўска-Беларускай ССР, Віленскім губернскім харчовым камітэце (губхарчкаме)^[3].

Браў удзел у стварэнні і быў адным з кіраўнікоў Беларускай рэвалюцыйнай арганізацыі^[3]^[4]. У 1923 годзе ўвайшоў у склад Цэнтральнага камітэта Камуністычнай партыі Заходняй Беларусі (КПЗБ)^[3]. У 1924 годзе быў арыштаваны польскімі ўладамі і асуджаны на чатыры гады турмы^[3]. У 1928 годзе на I з’ездзе КПЗБ быў завочна выбраны кандыдатам у члены ЦК КПЗБ, пасля вызвалення з турмы ў лістападзе 1928 года кааптаваны ў члены ЦК КПЗБ, з кастрычніка 1929 года быў членам Бюро ЦК КПЗБ^[3]. Накіроўваў дзейнасць створанай КПЗБ і прадстаўленай ў польскім Сейме арганізацыі «Змаганне», Галоўнай управы Таварыства беларускай школы і іх легальных выданняў^[3].

Загінуў 31 жніўня 1931 года на курорце ў Геленджыку, патануўшы падчас купання ў Чорным моры^[5]. Пахаваны на Вайсковых могілках у Мінску.

Зноскі

↑ ^а ^б ^в Калеснік У. Ветразі Адысея. Уладзімір Жылка і рамантычная традыцыя ў беларускай паэзіі. — Мн., 1977. — С. 77 [Электронны рэсурс] // Брэсцкі дзяржаўны ўніверсітэт імя А. С. Пушкіна. — Вэб-сайт БрДУ. — Дата доступу: 25.07.2015. — Рэжым доступу: http://www.brsu.by/sites/default/files/kalesnik/vietrazi_adysieja.pdf, вольны. — Загал. з экрана.
↑ Калеснік У. Фантазмы Ігната Канчэўскага // Калеснік У. Зорны спеў. Літаратурныя партрэты, нарысы, эцюды. — Мн., 1975. — С. 139—146 [Электронны рэсурс] // Kamunikat.org. — Беларуская інтэрнэт-бібліятэка. — Дата доступу: 25.07.2015. — Рэжым доступу: http://kamunikat.org/download.php?item=12769-1.pdf, вольны. — Загал. з экрана.
↑ ^а ^б ^в ^г ^д ^е Канчэўскі Арсен Уладзіміравіч // Энцыклапедыя гісторыі Беларусі: У 6 т. — Т. 4. Кадэты — Ляшчэня. — Мн., 1997. — С. 95.
↑ Дзяшко І. Ф. Беларуская рэвалюцыйная арганізацыя // Энцыклапедыя гісторыі Беларусі: У 6 т. — Т. 1. А — Беліца. — Мн., 1993. — С. 399—400.
↑ Арсеній Уладзіміравіч Канчэўскі // Чырвоная зьмена : газета. — Менск: 1931. — № 204 (1473). — С. 1.