PROFILBARU.COM

Арсенцій Яфімавіч Казлоў
Арсенцій Яфімавіч Казлоў
Дата нараджэння	23 лютага 1919
Месца нараджэння	Газьба, Зайкаўская воласць[d], Гарадоцкі павет, Віцебская губерня, Расійская імперыя;
Дата смерці	12 жніўня 1971 (52 гады)
Месца смерці	Мяжа, Мяжанскі сельсавет, Гарадоцкі раён, Віцебская вобласць, БССР, СССР;
Месца пахавання	Гарадок;
Грамадзянства	СССР;
Прыналежнасць	СССР
Званне	старшы сяржант
Бітвы/войны	Вялікая Айчынная вайна;
Узнагароды і званні	;

Арсенцій Яфімавіч Казлоў (Арсен Яўхімавіч^[1]) (23 лютага 1919(1919-02-23), Газьба, Віцебская губерня — 12 жніўня 1971(1971-08-12), Мяжа, Віцебская вобласць) — удзельнік Вялікай Айчыннай вайны, Герой Савецкага Саюза (1945).

Біяграфія

Нарадзіўся вёсцы Газьба Гарадоцкага раёна Віцебскай вобласці ў сялянскай сям’і. Скончыў пачатковую школу. На службе ў Чырвонай Арміі з кастрычніка 1939 года. Удзельнічаў у Вялікай Айчыннай вайне з чэрвеня 1941 года. Пры фарсіраванні ракі Дунай у раёне населенага пункта Харта на тэрыторыі Венгрыі старшы сяржант А. Я. Казлоў камандаваў аддзяленнем 258-га інжынерна-сапёрнага батальёна 56-ай інжынерна-сапёрнай брыгады. Лодкі з дэсантам накіроўваліся да правага берага, пераадолелі ўжо большую палову ракі, калі фашысты прыкмецілі дэсантнікаў і адкрылі моцны кулямётны агонь. Пад яго абстрэл трапіла лодка А. Я. Казлова. Старшы сяржант не разгубіўся, саскочыў у ваду і пагнаў лодку да берага. У гэты момант ён быў паранены асколкам гранаты, аднак працягваў бой. Разам з іншымі кінуўся ў атаку, у ліку першых уварваўся ў траншэю ворага, аўтаматнай чаргой знішчыў двух нацыстаў. Ад страты крыві страціў прытомнасць і быў дастаўлены ў шпіталь.

За мужнасць, адвагу і знаходлівасць пры фарсіраванні Дуная гвардыі старшаму сяржанту А. Я. Казлову 24.03.1945 г. было прысвоена званне Героя Савецкага Саюза. Перамогу сустрэў у Аўстрыі. Адтуль дэмабілізаваўся і вярнуўся ў родныя мясціны. Жыў у вёсцы Мяжа, працаваў у МТС, затым у саўгасе «Межанскі».

Памёр А. Я. Казлоў 12 жніўня 1971 года. Пахаваны на вайсковых могілках у горадзе Гарадок.

Узнагароды

Памяць

Абеліск у вёсцы Мяжа.
У гонар А. Я. Казлова названыя вуліца ў Гарадку і саўгас у Гарадоцкім раёне.

Зноскі

↑ БелЭн 1998.

Літаратура

Казлоў Арсен Яфімавіч // Беларуская Савецкая Энцыклапедыя. У 12 т. Т. 3. Веды — Графік / Рэдкал.: П. У. Броўка (гал. рэд.) і інш. — Мн.: БелСЭ, 1971. — С. 231. — 608 с.: іл., карты.
Казлоў Арсен Яўхімавіч // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).
Памяць: Гарадоцкі р-н: Гіст.-дак. хронікі гарадоў і раёнаў Беларусі / Укл. С. І. Садоўская: Рэд. кал. Н. А. Бурунова і інш.; Маст. Э. Э. Жакевіч. — Мн.: Беларусь, 2004. — С. 410. — 894 с. — 2 500 экз. — ISBN 985-01-0546-1.
Козлов Арсений Ефимович // Белорусская ССР: Краткая энциклопедия в 5 т. (руск.) / Ред. колл.: П. У. Бровка и др. — Мн.: «Белорусская советская энциклопедия» имени Петруся Бровки, 1982. — Т. 5. Биографический справочник. — С. 304. — 737 с. — 50 000 экз.

Спасылкі

[FOOTNOTEБелЭн1998-1] БелЭн 1998.

[1]