Андрэй Аляксандравіч Кунец

Андрэй Кунец
Асноўная інфармацыя
Поўнае імя	Кунец, Андрэй Аляксандравіч
Дата нараджэння	7 снежня 1995(1995-12-07) (29 гадоў)
Месца нараджэння	Мазыр, (Гомельская вобласць, Беларусь)
Краіна	Беларусь
Музычная дзейнасць
Прафесія	спявак
Інструменты	вакал
Медыяфайлы на Вікісховішчы

Андрэй Аляксандравіч Кунец (7 снежня 1995 года, Мазыр) — беларускі спявак, удзельнік і прызёр рэспубліканскіх і міжнародных конкурсаў, сярэбраны прызёр Дзіцячага конкурсу песні Еўрабачанне 2006 (129 балаў).

Творчая дзейнасць

Андрэй Кунец з'яўляецца сярэбраным прызёрам Дзіцячага конкурсу песні Еўрабачанне 2006, лаўрэатам I Міжнароднага маладзёжнага фестывалю-карнавалу «Арфей у Італіі-2008» ва ўзроставай групе 10 - 12 гадоў. На фестывалі выканаў песні «Беларусь мая», «Новы дзень», а таксама англамоўную версію кампазіцыі "Сябруюць усе" (і атрымаў статуэтку пазалочанай ноты, упрыгожанай хрусталікам Свароўскі). У студзені 2010 года Андрэй выпусціў свой дэбютны альбом «Новы дзень»..

У 2008 годзе выканаў ролю Агеньчыка ў навагоднім мюзікле.

Перамогі

• Срэбны прызёр Дзіцячага конкурсу песні Еўрабачанне 2006
• Гран-пры на Славянскім базары ў Віцебску, 2007 год
• Заняў першае месца на I Міжнародным маладзёжным фестывалі-карнавале «Арфей у Італіі-2008»
• «Дружба народаў» — Гран-пры (Кайзерслаўтэрн)
• «Зямля пад белымі крыламі» — 1-е месца (Мазыр)
• «Залатая пчолка» — Гран-пры (Клімавічы)