Аналітычныя мовы — мовы, у якіх граматычныя значэнні выражаюцца не формамі слоў (як у сінтэтычных мовах), а галоўным чынам службовымі словамі, парадкам слоў, інтанацыяй і інш. Да аналітычных моў належаць англійская, французская, новаперсідская, балгарская і іншыя мовы.
Аналітычныя спосабы часткова выкарыстоўваюцца і сінтэтычнымі мовамі, у т.л. і беларускай, напрыклад пры ўтварэнні складаных форм ступеняў параўнання прыметнікаў і прыслоўяў («самы цікавы», «больш прыгодны», «надзвычай вясёлы», «найбольш поўна»), будучага і прошлага часу дзеясловаў («буду пісаць», «пайшоў быў»), загаднага ладу («давай спяваць», «няхай квітнее»), складаных тыпаў выказніка («працаваць аграномам», «станавіцца мацнейшым»).
Літаратура
