Аляксей Мікалаевіч Смірноў

Аляксей Мікалаевіч Смірноў
Дата нараджэння	17 снежня 1938(1938-12-17)
Месца нараджэння	Маршанск, Тамбоўская вобласць, РСФСР, СССР
Дата смерці	18 сакавіка 2006(2006-03-18) (67 гадоў)
Месца смерці	Мінск, Беларусь
Грамадзянства	СССР  Беларусь
Род дзейнасці	навуковец
Навуковая сфера	інфарматыка і тэхнічная кібернетыка
Месца працы	Мінскі радыётэхнічны інстытут Інстытут сучасных ведаў імя А. М. Шырокава
Навуковая ступень	доктар тэхнічных навук (1987)
Навуковае званне	прафесар
Альма-матар	Разанскі дзяржаўны радыётэхнічны інстытут^[d] Ленінградскі політэхнічны інстытут імя М. І. Калініна

Аляксей Мікалаевіч Смірно́ў^[1] (руск.: Алексей Николаевич Смирнов; 17 снежня 1938, Маршанск, Тамбоўская вобласць — 18 сакавіка 2006^[2], Мінск) — беларускі вучоны ў галіне інфарматыкі і тэхнічнай кібернетыкі, доктар тэхнічных навук (1987), прафесар (1989).

Біяграфія

Нарадзіўся ў горадзе Маршанск Тамбоўскай вобласці РСФСР.

У 1961 годзе скончыў Разанскі радыётэхнічны інстытут, у 1966 годзе — Ленінградскі політэхнічны інстытут.

З 1969 года працаваў у Мінскім радыётэхнічным інстытуце. У 1987 годзе абараніў кандыдацкую дысертацыю ў Леніградскім электратэхнічным інстытуце^[3]. З 1996 года займаў пасаду загадчыка кафедры ў Інстытуце сучасных ведаў імя А. М. Шырокава.

Навуковая дзейнасць

Аўтар навуковых прац па аўтаматызаваных сістэмах кіравання якасцю вырабаў мікраэлектронікі. Распрацаваў метады аператыўнага вызначэння ўзроўню надзейнасці і паскораных выпрабаванняў вырабаў мікраэлектронікі ва ўмовах вытворчасці^[1].

Сярод апублікаванага:

• Прогнозирование качества систем. — Мн.: Наука и техника, 1976. (разам з У. А. Прахарэнкам);
• Проектирование технических систем диагностирования. — Мн., 1982 (разам з Л. П. Глазуновым);
• Учёт безотказности микроэлектронной аппаратуры на этапе производства. — Мн., 1989 (разам з І. Я. Ліцвінскім і . А. Прахарэнкам).

Зноскі

1. БелЭн 2002.
2. Смірноў Аляксей Мікалаевіч на сайце анлайн-энцыклапедыі «Беларусь у асобах і падзеях»
3. Кафедра информационных технологий автоматизированных систем. История кафедры. (руск.) // Сайт БДУІР

Літаратура

• Смірноў Аляксей Мікалаевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 56. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі

• Смірноў Аляксей Мікалаевіч на сайце анлайн-энцыклапедыі «Беларусь у асобах і падзеях»