Ала Сямёнава

Ала Сямёнава
Асабістыя звесткі
Псеўданімы	Ала Сямёнава[1] і Алла Семёнова[1]
Дата нараджэння	9 жніўня 1938(1938-08-09)
Месца нараджэння	Усць-Бальшарэцк, Усць-Бальшарэцкае сельскае пасяленне^[d], Усць-Бальшарэцкі раён^[d], Камчацкая вобласць, Далёкаўсходні край^[d], РСФСР, СССР
Дата смерці	18 лютага 2022(2022-02-18)[1] (83 гады)
Месца смерці	Мінск, Беларусь
Грамадзянства	СССР  Беларусь
Альма-матар	філалагічны факультэт БДУ
Месца працы	Навука і тэхніка Мастацкая літаратура Нёман
Прафесійная дзейнасць
Род дзейнасці	пісьменніца, літаратурная крытык, публіцыстка
Мова твораў	беларуская
Грамадская дзейнасць
Член у	Саюз пісьменнікаў СССР

Ала (Альбіна Іванаўна) Сямёнава^[2] (9 жніўня 1938, с. Бальшарэцкае, Бальшарэцкі раён, Камчацкая вобласць, РСФСР, СССР — 18 лютага 2022, Мінск) — беларускі літаратурны крытык, пісьменніца, публіцыст.

Біяграфія

Нарадзілася ў сям’і служачых, юрыстаў. Бацькі ў 1930-я гады па камсамольскіх пуцёўках паехалі на Чукотку, жылі на Камчатцы, затым бацьку перавялі ва Уладзівасток, пазней у Хабараўск. Бацька ўдзельнік Вялікай Айчыннай вайны. У 1944 годзе сям’я вярнулася на радзіму ў Беларусь. Жылі ў Вілейцы і Навагрудку, дзе Альбіна скончыла сярэднюю школу (1955) і паступіла ў Беларускі дзяржаўны ўніверсітэт. Пасля заканчэння філалагічнага факультэта БДУ (1960) працавала рэдактарам і старшым рэдактарам выдавецтва «Навука і тэхніка». У 1968—1972 гадах літаратурны супрацоўнік у прэс-бюлетэні «Служба быту Беларусі», у 1972—1986 гадах — рэдактар, старшы рэдактар рэдакцыі крытыкі, літаратуразнаўства і драматургіі выдавецтва «Мастацкая літаратура». З 1986 года — літаратурны супрацоўнік, у 1987—1994 гадах^[2] — рэдактар аддзела мастацтва, крытыкі і бібліяграфіі часопіса «Нёман».

Член Саюза пісьменнікаў СССР з 1982 года, потым Саюза беларускіх пісьменнікаў.

Творчасць

Друкавацца пачала ў 1966 годзе^[2]. Выступала з рэцэнзіямі, літаратурна-крытычнымі артыкуламі і эсэ пра беларускіх пісьменнікаў А. Адамовіча, У. Арлова, Р. Барадуліна, Я. Брыля, А. Васілевіч, В. Бечыка, А. Вярцінскага, А. Дударава, Л. Дранько-Майсюка, А. Жука, С. Законнікава, У. Караткевіча, Х. Лялько, У. Някляева, А. Пісьмянкова, Я. Саламевіча, М. Стральцова і іншых, Папу Рымскага Яна Паўла II^[2].

Творы

• Ішлі ў паходы партызаны. — Мінск, 1968. — 55 с.
• Гарачы след таленту. Літаратурна-крытычныя эцюды. — Мінск, 1979. — 188 с.
• Слова сапраўднага лад. Літаратурныя эцюды. — Мінск, 1986. — 206 с.
• Святло загадкі. Імпрэсіі і адлюстраванні. — Мінск, 1995. — 235 с.
• Таямніцы пакутны колер. Эсэ. Апавяданні. — Мінск. 2004. — 103 с.
• Перад геніем лёсу. Літаратурныя версіі паводле рэальнага, іррэальнага, дамысленага. — Мінск, 2006. — 357 с.
• Імпрэсіі, адлюстраванні. — Мінск : Кнігазбор, 2011. — 488 с. — (Бібліятэка Саюза беларускіх пісьменнікаў «Кнігарня пісьменніка»; вып. 10).
• Бэзавы попел. Эпісталярна-прывідны ўспамін (2013).

Зноскі

1. Беларусь у асобах і падзеях Праверана 28 студзеня 2024.
   <a href="https://wikidata.org/wiki/Track:Q112702533"></a>
2. БелЭн 2002.

Літаратура

• Спрынчан А. В. Сямёнава Ала (Альбіна Іванаўна) // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 345. — 10 000 экз. — ISBN 985-11-0035-8. — ISBN 985-11-0251-2 (т. 15).
• Савік Л. С. Сямёнава Ала. // Беларускія пісьменнікі. Біябібліяграфічны слоўнік у 6 тамах. Т. 5. — Мінск 1995. — С. 476—477.
• Козіч В. І. Сямёнава Ала. Бібліяграфія. // Беларускія пісьменнікі. Біябібліяграфічны слоўнік у 6 тамах. Т. 5. — Мінск 1995. — С. 477.
• Ала Сямёнава // Беларускія пісьменнікі (1917—1990): Даведнік / Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — С. 525. — 653 с.: іл. — 22 000 экз. — ISBN 5-340-00709-X.