Si Santi Gucci (c. 1530–1600) sarong Italyanong arkitekto asin eskultor.
Biograpiya
Siya naghubo' sa Polako pagtongtong taon 1550, na posible haleng Florence, asin siya iyo an nagin artistang toka sa korte kan hading Sigismund II Augustus nin Polako, ann tuga ng kaini na si Anna Jagiellonka asin a n kagsangle saiya na si Stefan Batory nin Polako. An talyer ni Santi Gucci sa Pińczów nagin tiponan kan mga artistang nag'aaradal asin iyo an saro sa sentro kan arteng Manerista sa Polako. Huli sa saiyang serbisyo sa koronang Polako siya ginawadan nin Eskudo de armas nin Zetyniano asin natawan ranggo nin szlachta.
Saro sa produktibong marhay sa mga artista kan saiyang peryodo, si Gucci naghirahay asin nagtugdok man nin mga palasyo kan mga lataw na mga personahe sa gabos na parte kan Republikang Polako. Sa mga siring, iyo an palasyo kan pamilyang Firlej sa Janowiec sa may Vistula (1565–1585), kun saen siya nag'iskultor pa nin pantyon sa simbahan duman sa arteng Manerismo (c. 1586). Para sa Piotr Myszkowski na pamily siya nagpatindog sa Książ Wielki (1585–1595), nin bagong Palasyo Mirów.Pinatindog niya man an palasyo Łobzów (1585–1587), sa Kraków, asin pinalakbang an kastilyo sa Pińczów (1591–1600). Siya man posible an arkitekto kan Sinanoga Pińczów.
Saro sa mauunabihan na gayong trabaho niya iyo an desenyo integral igdi sa mga monumentong lulubngan ni Bartolommeo Berrecci duman sa Kapilya Sigismund sa may Katedral Wawel. An kapilya na binabansagan “perlas nin Italyanong Renasimyento sa norte nin Alps”, mga lubungan kan Hading Sigismund Augustus of Poland asin ni Anna Jagiellonka. Pag’ultan nin 1594 asin 1595 pinakarhay man niya an Kapilya Mariacka ngani makaag an pantyon ni Stefan Batory. Iba pang mayor na mga trabaho kabarali an kapilya kan pamilya Branicki sa Niepołomice (1596) asin kan Kapilya ni Santa Ana sa Pińczów.
Galeriya
Toltolan
- Kozakiewiczowie, H.; S. Kozakiewiczowie (1976). Renesans w Polsce. Warsaw.
