An Tambobong nin Literaturang Bikolnon

An Tambobong nin
Literaturang Bikolnon

Kopya kan inot na luwas kan folio
Ladawan kan patos	Melvin Rosales
Nasyon	Filipinas
Tataramon	Bikol Sentral
Genre	Antolohiya
Kagpublikar	BikolianA Sumaro Bikolnon
Taon kan publikasyon	2010, 2011
Klase nin media	Imprenta
Pahina	90
Sinundan kan	Mga Yawit-yawit sa Tig-init; Mga Awit para sa Inâ

An Tambobong nin Literaturang Bikolnon, siring man An Tambobong o Tambobong sana,^[1] sarong babasahon nin mga rawitdawit sa mga tataramon sa Bikol nin mga kagubay na Bikolanong parasurat.^[2] Ipinapabalangibog ini kan publikasyon na BikolianA asin kan Sumaro Bikolnon an inot na duwang luwas kaini.^[3][4]

Laman kan publikasyon an katiriponan nin manlainlain na rawitdawit na inot nang naipalagda sa ibang publikasyon siring man mga bàgong haman na panurat nin mga premyado siring man mga bàgong parasurat gikan sa bilog na rehiyon Bikol.

Kadaklan kan mga rawitdawit digdi yaon diyalektong Bikol Naga, Legazpi sagkod Partido kan tataramon na Bikol Sentral asin Rinconada Bikol, siring man igwa sa Sorsogon Waray, Bikol Catanduanes asin Masbatenyo. Sa kabilogan, igwang sanggatos may walompulo-tulong (183) panurat nin pitompulo-duwang (72) paraambag an naitampok sa tulong luwas kan publikasyon: Ani nin mga Rawitdawit (Marso 2010), Mga Yawit-yawit sa Tig-init (Hulyo 2010) asin Mga Awit para sa Ina (2011). An mga panurat digdi na ipalagdâ poon 1999 sagkod 2011, an taon nin publikasyon kan ikatulong luwas kan publikasyon.^[5][6][7]

Poon tagapakarhay kaini si Irvin Sto. Tomas kaiba sinda Jerome Hipolito, Jusan Misolas, Jonas Cabiles Soltes, Jan Kevin de Quiroz, Jose Luarez asin Jason Tabinas bilang mga kapwa tagapakarhay.^[8]

Toltolan

1. Paz Verdades Santos, Mga Pararawitdawit sa SAGURONG: 100 na Kontemporaryong Rawitdawit sa Manlain-lain na Tataramon Bikol De la Salle na Unibersidad, Manila (2011)
2. A granary of poems about Bicol farmers Philippine Daily Inquirer (pighugot kan 2011-10-14)
3. Literary folio features works of 3 running poets^{[permanent dead link]} Canaman.gov.ph Archived 2012-03-14 at the Wayback Machine. (pighugot kan 2012-01-18)
4. Sumaro Bikolnon eyes accreditation from city Bicol Mail (pighugot kan 2011-12-14)
5. Ani nin mga Rawitdawit An Tambobong nin Literaturang Bikolnon, Tomo 1 Blg. 1 Canaman Cam. Sur (Marso 2010)
6. Mga Yawit-yawit sa Tig-init An Tambobong nin Literaturang Bikolnon, Tomo 1 Blg. 2 Canaman Cam. Sur (Hulyo 2010)
7. Mga Awit para sa Ina An Tambobong nin Literaturang Bikolnon, Tomo 1 Blg. 3 Canaman Cam. Sur (2011)
8. For the Young Bikol Writer Bicol Mail (pighugot 2016-6-28)