De Wolga (russisch Волга) valauft im eiropäischen Teu vo Russland, is mit 3.530 km Läng da längste und wossareichste Fluss vom Kontinent Eiropa und kheat zu de längstn Flüss vo da Eadn.
Sie entspringt in de Waldaihehn bei 228 m, fliasst aunfangs mastns ostweats und spädea südweats duach de Osteiropäische Ebene und mündet ins Kaspische Meer bei 28 m unter dem Meeresspiegel, ibawindt oiso a Hehndifferenz vo 256 m.
Etwa 200 Flüss fliassn da Wolga zua, ia Einzugsgebiet umfosst 151.000 Gewässa in an Gebiet von 1,36 Mio. km² Flächn. De mittlare jealiche Obflussmenge in Wolgograd betrogt 264 Mrd. m³.
Ois Wossastrossn is de Wolga iwan Wolga-Ostsee-Kaneu in Richtung Westn mit da Ostsee vabundn; iwan Weißmeer-Ostsee-Kaneu mitn Weißen Meer und iwan Wolga-Don-Kaneu mitn Don und iwa den wieda mitn Schwoazzn Meer bzw. Mittelmeer.
