Voa da Gebietsrefoam vo 1974 hod de Grofschoft no on: Cumberland, Westmorland, Yorkshire und Cheshire grenzd. As Gebiet is nunmeah vakloanad worn, um de Vawoitung z vaoafochn. Seit'm 1. Aprui 1974 ghead's Gebiet vo Furness (as ehemoiige Gebiet Lancashires neadli vo Morecambe Bay) za da neigliedadn Grofschoft Cumbria, sidestliche Tei san on Greater Manchester gonga, sidwestliche Tei san za Merseyside worn. De Stod Warrington und de se umgemdn Kroas mid de Ortschoftn: Winwick, Croft, Risley und Culcheth san on Cheshire ogschlossn worn. A Tei van West Riding vo Yorkshire in da Näh vo Clitheroe is on Lancashire oschlossn worn. 1998 san Blackpool und Blackburn with Darwen grofschoftsfreie Keapaschoftn (Unitary Authorities) worn, san owa nominej fia protokojarische Oläss wia fia Moßnohma vo da Gfoaenobweah innahoib vo Lancashire vabliem.