Ayr (gälisch : Inbhir Àir ) is a Stod im Sidwestn vo Schottland , om Firth of Clyde gleng, wo da gleinamige River Ayr mindd. Se is de Haptstod vo da tradizionejn Grofschoft Ayrshire und da Vawoitungssiez vo da Council Area South Ayrshire . Ba Zensuseahebung 2011 hom in Ayr 46.849 Peasona glebd.[1]
Gschicht
In Ayr bfindd se da Siez van remisch-katholischn Bistum Galloway , des af a iwa 1600-jearige Gschicht zruckblickn ko. Bischofskiach is: St Margaret's Cathedral .
Oim 26. Aprui 1315 is in Ayr's easchte schottische Parlament vo Robert the Bruce eaeffned worn. Es war ois Inverair oda Inverayr bekonnd, wos se aa heit no in da gälischn Namasfoam Inbhir Àir zoagd.
Buidung
De University of the West of Scotland hod oan vo iahre via Standorte in Ayr (nem Paisley , Hamilton und Dumfries ).
Spoat
Ayr United is da Fuaßboiclub vo da Stod. Ea spuid in d Saison 2018 /2019 in da da 2. schottischn Liga .
Af da Ressarennboh vo Ayr wean u. a. as Scottish Grand National (im Aprui) und da Ayr Goid Cup (im Septemba) ausdrong.
Vakeah
Om neadlichn Stodrond bfindd se da Flughofn Glasgow-Prestwick .
Städtpartnaschoft
Partnastod vo Ayr is seit 1984 de Stod Saint-Germain-en-Laye in da franzesischn Region Île-de-France .
In Ayr geboan
John Loudon McAdam (1756 –1836 ), schottischa Ingenieur , Eafinda van Makadam -Stroßnbelog
Robert Burns (1759 –1796 ), schottischa Dichta , geboan in Alloway, heit Stodtei vo Ayr
William Maclure (1763 –1840 ), schottischa Geolog , Geleahta und Philanthrop
John Coats (1906 –1979 ), schottischa Theosoph
William Ross, Baron Ross of Marnock, (1911 –1988 ), britischa Politika vo da Labour Party
Abdalqadir as-Sufi (* 1930 ), britischa Autoa und Peasenlichkeit van Islam
David E. Murray (* 1951 ), schottischa Untanehma und ehemoiiga Spoatfunkzionea
Alan McInally (* 1963 ), ehemoiiga schottischa Fuaßboispuia
Brian Whittle (* 1964 ), ehemoiiga britischa Leichtathlet , (400-Meta-Laff)
Rhona Martin (* 1966 ), schottische Curlarin
Drew McIntyre (* 1985 ), schottischa Wrestla
Beleg
↑ Zensus 2011
Im Netz